قازاقستاندا التىن قىمباتتادى

استانا. KAZINFORM - التىننىڭ ءبىر گرامى شامامەن 56527 تەڭگەنى قۇراپ وتىر.

ق ر ۇلتتىق بانكىنىڭ مالىمەتىنشە، 17-شىلدە كۇنى التىننىڭ گرامى 56527,25 تەڭگەگە باعالاندى.

وتكەن بەيسەنبى، 10-شىلدەدە باعالى مەتالدىڭ قۇنى شامامەن 54862 تەڭگە بولدى.

بۇدان بۇرىن حابارلانعانداي، قازاقستاندا 2025 -جىلدىڭ ءبىرىنشى توقسانىندا مىس، نيكەل، كومىر، التىن جانە سيرەك جەر مەتالدارىنىڭ بولجامدى رەسۋرسى بار 38 پەرسپەكتيۆالىق ۋچاسكە انىقتالعان.

ايتا كەتەيىك، قازاقستان التىن قورى بويىنشا الەمنىڭ 20 ەلىنىڭ قاتارىنا ەندى. سوڭعى 10 جىلدا ەلىمىزدە قۇرامىندا التىنى بار كەن ءوندىرۋ 2,2 ەسەگە ءوستى.

دۇنيەجۇزىلىك التىن كەڭەسىنىڭ مالىمەتى بويىنشا، 2025 -جىلدىڭ ءبىرىنشى توقسانىندا التىنعا جالپى سۇرانىس وتكەن جىلمەن سالىستىرعاندا %1 عا ءوسىپ، 1206 توننانى قۇرادى - بۇل 2016 -جىلدان بەرى ءبىرىنشى توقسانداعى ەڭ جوعارى كورسەتكىش.

ورتالىق بانكتەر ءبىرىنشى توقساندا 244 توننا التىن ساتىپ الدى، بۇل الدىڭعى توقسانمەن سالىستىرعاندا از.

التىن زەرگەرلىك بۇيىمدارعا سۇرانىس تا رەكوردتىق باعالار جاعدايىندا كۇرت تومەندەدى، ولاردىڭ كولەمى 2020 -جىلدان بەرى ەڭ تومەنگى دەڭگەيگە جەتتى. قۇندىلىق تۇرعىسىنان العاندا، التىن زەرگەرلىك بۇيىمدارعا تۇتىنۋشىلىق شىعىندار ءبىر جىلمەن سالىستىرعاندا %9 عا ءوسىپ، 35 ميلليارد دوللاردى قۇرادى.

ۇلتتىق ستاتيستيكا بيۋروسىنىڭ مالىمەتى بويىنشا، 2024 -جىلى قازاقستاندا التىن بۇيىمدارىنىڭ باعاسى 8,3 پايىزعا وسكەن.