قازاقستاندا ا ە س- تەن شىعاتىن راديواكتيۆتى قالدىقتار قالاي رەتتەلەدى

استانا. KAZINFORM - ەلىمىزدە بولاشاقتا سالىناتىن اتوم ەلەكتر ستانسالارىنان شىعاتىن راديواكتيۆتى قالدىقتاردىڭ تاعدىرى نە بولادى؟ بۇل ساۋالدى ەكولوگيا جانە تابيعي رەسۋرستار ۆيتسە-ءمينيسترى جومارت اليەۆكە قويعان ەدىك.

- راديواكتيۆتى قالدىقتار ماسەلەسى ەكولوگيالىق كودەكسپەن رەتتەلمەيدى، بۇل باعىتتى رەتتەيتىن جەكە زاڭ بار. اتوم ەنەرگەتيكاسى جونىندەگى اگەنتتىگى قۇرىلۋىنا بايلانىستى، ولار قۇرىلىس پەن پايدالانۋدان باستاپ بۇكىل تسيكل ءۇشىن تولىق جاۋاپتى، سوندىقتان اتالعان ماسەلەنى اگەنتتىك رەتتەيدى، - دەپ قىسقا قايىردى جومارت اليەۆ استانادا وتكەن IX ەۋرازيالىق بيزنەس فورۋمدا اگەنتتىك ءتىلشىسىنىڭ ساۋالىنا جاۋاپ بەرە تۇرىپ.

دەگەنمەن ۆيتسە-مينيستر اتوم ەلەكتر ستانساسى قىزمەتىندە ەكولوگيالىق كودەكستىڭ تالاپتارى نازاردان تىس قالمايتىنىن ايتىپ وتىر.

- راديواكتيۆتى قالدىقتارمەن جۇمىس ىستەۋ ماسەلەسى كەز كەلگەن جاعدايدا مەملەكەتتىك ەكولوگيالىق ساراپتامادان وتەدى جانە ۇلتتىق زاڭناما مەن ماگاتەنىڭ بارلىق تالابى ەسكەرىلەدى. ويتكەنى، اتوم ەنەرگەتيكاسىنا قاتىستى بارلىق ماسەلە، سول تالاپتارمەن بايلانىستى، - دەپ تولىقتىردى ءمينيستردىڭ ورىنباسارى.

ەسكە سالايىق، ەلىمىزدە سالىناتىن ءبىرىنشى اتوم ەلەكتر ستانساسى تولىعىمەن ۇلتتىق باقىلاۋدا بولادى.

سونداي-اق ا ە س- تەن وندىرىلەتىن ەلەكتر ەنەرگياسىنىڭ قۇنى ج ە و مەن ج ە س- تەن الىناتىن ەلەكتر ەنەرگياسىنا قاراعاندا جوعارى بولادى.

ودان بولەك، قازاقستاننىڭ بولاشاق اتوم ەلەكتر ستانسالارىنا قاجەت مامانداردى قاي ەلدەر دايارلاپ جاتقانى تۋرالى جازدىق.