قازاقستاندا ا ق ش ەلشىلىگىنىڭ زاتتارى اۋكسيونعا قويىلادى
استانا. KAZINFORM - قازاقستانداعى ا ق ش ەلشىلىگى قۇراما شتاتتار ۇكىمەتى (USG) پايدالانعان مۇلىكتەردى ساتۋ ءۇشىن ونلاين اۋكسيون وتكىزەدى.
ا ق ش ەلشىلىگى ونلاين ساۋدا اۋكسيوندار پلاتفورماسى ارقىلى 2025 -جىلدىڭ 19- مامىرىندا ساعات 9:00-دە اشىلادى جانە 2025 -جىلدىڭ 23 -مامىرىندا ساعات 17:00-گە دەيىن USG تيەسىلى مۇلىكتىڭ ونلاين اۋكسيونىن وتكىزەدى.
اۋكسيوندا ساتىلاتىن ادەتتەگى زاتتارعا ءۇي جانە كەڭسە جيھازدارى، تۇرمىستىق تەحنيكا، كىلەمدەر، ماتراتستار، ۇساقتاعىشتار، كوشىرگىشتەر، IT جابدىعى (مونيتورلار، كومپيۋتەرلەر، سكانەرلەر، پرينتەرلەر، كوشىرگىشتەر، UPS)، تەلەديدارلار، DVD ويناتقىشتار، تەحنيكالىق قىزمەت كورسەتۋ قۇرال-جابدىعى، كەڭسە جانە جوندەۋ كەرەك-جاراقتارى، كوگال شاپقىشتار، قايشىلار، قار تازالاعىشتار جاتادى.
تىركەلۋ جانە ءباس تىگۋ جولدارى:
كەز كەلگەن ينتەرنەت-براۋزەر ارقىلى (https://online-auction.state.gov ) سىلتەمەسى بويىنشا ونلاين اۋكسيون سايتىنا ءوتىڭىز. تىزىمنەن تاڭداۋ ارقىلى كورسەتىلەتىن اقپاراتتىڭ ءتىلىن وزگەرتۋگە بولادى.
جەكە مالىمەتتەردى ەنگىزىپ تىركەلىڭىز.
ءباس تىگۋ ءۇشىن: بەتتىڭ جوعارعى وڭ جاق بۇرىشىنداعى «كىرۋ» سىلتەمەسىن باسىپ، لوگين مەن قۇپيا ءسوزدى ەنگىزىڭىز.
قولجەتىمدى لوتتاردى كورۋ جانە ءباس تىگۋ ءۇشىن «استانا، KZ» باتىرماسىن باسىڭىز.
ماڭىزدى اقپارات:
- اۋكسيونعا قاتىسۋشىلاردىڭ جاسى 18 جاستان تومەن بولماۋى كەرەك.
- بارلىق زات كەپىلدىكسىز جانە اقشانى قايتارۋسىز «بار كۇيىندە» ساتىلادى.
- ءباس تىگۋدەن بۇرىن ءاربىر لوتتىڭ استىنداعى «جۇمىس ەرەجەلەرى تۋرالى» بولىمىندە بەرىلگەن اقپاراتتى مۇقيات وقىپ شىعىڭىز.
- ا ق ش ەلشىلىگى كەز كەلگەن ءباس تىگۋدى قابىلداماۋ نەمەسە اۋكسيوندى وتكىزبەۋ قۇقىعىن وزىنە قالدىرادى.
- ميسسيا قىزمەتكەرلەرى قاتىسۋ شارتتارىن انىقتاۋ ءۇشىن مۇلىكتى ايىرباستاۋ/ساتۋ تۋرالى 14FAM 417.2-3 قاراپ شىعۋى كەرەك. قوسىمشا اقپارات الۋ ءۇشىن AstanaAuction@state.gov ەلەكتروندىق پوشتاسىنا حابار جىبەرۋ كەرەك، - دەلىنگەن حابارلامادا.
اۆتور
داۋلەت ىزتىلەۋ
