قازاقستاندا 8- ناۋرىزدا دۇنيەگە كەلگەن قانشا ەر ادام بار؟

استانا. KAZINFORM - ارۋلار مەن انالاردىڭ مەرەكەسى سانالاتىن 8- ناۋرىزدا دۇنيە كەلگەن ەر ادامدار دا بار. ءتول مەرەكەسى اتاۋلى كۇنمەن تۇسپا-تۇس كەلەتىن جىگىتتەر قاۋىمى بۇل كۇنى ەرەكشە سەزىمدى باستان كەشىرەتىنى جاسىرىن ەمەس.

Massaget.kz ءتىلشىسى قازاقستاندا قانشا ەر ادام 8- ناۋرىزدا دۇنيەگە كەلگەنىن انىقتاۋ ماقساتىندا ستاتيستيكا بيۋروسىنا جۇگىندى.

ۇلتتىق ستاتيستيكا بيۋروسىنىڭ جاۋابىنا سۇيەنسەك، قازاقستاندا 8- ناۋرىزدا دۇنيەگە كەلگەن ەر ادام سانى - 28092 ادام. ال بىلتىر بۇل كورسەتكىش 27587 بولعان. دەمەك، ءبىر جىل ىشىندە 8- ناۋرىزدا 500 گە جۋىق ەر بالا دۇنيەگە كەلگەن.

اشىق دەرەكتەرگە سۇيەنسەك، وسىنداي ەرەكشە كۇنى دۇنيەگە كەلگەن ەر ادامدارعا ادەتتە مىنا قاسيەتتەر ءتان ەكەن: ءورشىل، جاڭا جاعدايلارعا تەز بەيىمدەلۋ قابىلەتى، سىپايىلىق.

ولار كوپ جۇمىس ىستەيدى جانە تەرەڭ قيال مەن تۇسىنىككە يە. بۇل كۇنى تۋعاندار قارجىلىق قولداۋسىز ءوزىن سەنىمسىز سەزىنەدى. سونداي-اق، ولار ىسكەرلىك مىندەت پەن جاۋاپكەرشىلىكتەن ەشقاشان قورقىتپايدى.

8- ناۋرىزدا دۇنيەگە كەلگەن اڭىز ادامداردىڭ ءبىرى - ءانشى، كومپوزيتور، كۇيشى، اكتەر ماناربەك ەرجانوۆ. ول 1901-جىلى 8- ناۋرىزدا قاراعاندى وبلىسىندا دۇنيەگە كەلگەن. ەرتەڭ - اتاقتى ءانشىنىڭ 123 جىلدىق مەرەيتويى.