قازاقستاندا 7-شىلدەدە اۋا رايى قۇبىلمالى بولادى

استانا. KAZINFORM - «قازگيدرومەت» رمك مالىمەتىنشە، 2025 -جىلعى 7 -شىلدەدە قازاقستاننىڭ باسىم بولىگىندە سيكلون جانە وعان ىلەسكەن اتموسفەرالىق فرونتالدى بولىكتەردىڭ اسەرىنەن اۋا رايى تۇراقسىز بولادى.

سينوپتيكتەردىڭ بولجامىنا سايكەس، رەسپۋبليكانىڭ سولتۇستىگىندە، شىعىسىندا نايزاعايلى جاڭبىر جاۋىپ، كەي جەرلەردە قاتتى جاڭبىر كۇتىلەدى. سولتۇستىك، شىعىس جانە ورتالىق وڭىرلەردە بۇرشاق جاۋۋى ىقتيمال.

ال باتىس، وڭتۇستىك جانە وڭتۇستىك- شىعىس وبلىستاردا انتيتسيكلوننىڭ ىقپالىمەن جاۋىن-شاشىنسىز اۋا رايى ساقتالادى.

ەلىمىز بويىنشا جەل كۇشەيىپ، سولتۇستىك پەن شىعىستا داۋىل تۇرۋى مۇمكىن. سولتۇستىك- باتىس ايماقتاردا تۇنگى جانە تاڭعى ۋاقىتتاردا تۇمان ءتۇسۋى ىقتيمال.

ءبىرقاتار وڭىرلەردە ءورت قاۋپى جوعارى دەڭگەيدە ساقتالادى:

جوعارى ءورت قاۋپى ماڭعىستاۋ، اتىراۋ وبلىستارىندا، الماتى وبلىسىنىڭ وڭتۇستىگى مەن شىعىسىندا، اقمولا وبلىسىنىڭ باتىسىندا، شىعىس قازاقستاننىڭ وڭتۇستىگى مەن ورتالىعىندا، اقتوبە وبلىسىنىڭ وڭتۇستىك جانە وڭتۇستىك- شىعىسىندا، ۇلىتاۋ وبلىسىنىڭ ورتالىعىندا كۇتىلەدى.

توتەنشە ءورت قاۋپى جامبىل، قىزىلوردا، تۇركىستان، جەتىسۋ وبلىستارىندا، الماتى وبلىسىنىڭ سولتۇستىك، باتىس جانە ورتالىق بولىكتەرىندە، قاراعاندى وبلىسىنىڭ باتىس، وڭتۇستىك، شىعىس وڭىرلەرىندە، ۇلىتاۋ وبلىسىندا، اقتوبە وبلىسىنىڭ ورتالىعىندا، ماڭعىستاۋ وبلىسىنىڭ سولتۇستىك- باتىسىندا، قوستاناي وبلىسىنىڭ وڭتۇستىك-باتىسىندا، اباي وبلىسىنىڭ وڭتۇستىگىندە بولجانادى.

سونىمەن قاتار، كۇندىزگى ۋاقىتتا كەي وڭىرلەردە اپتاپ ىستىق كۇتىلەدى:

الماتى وبلىسىندا +35°C،

قىزىلوردا وبلىسىندا +40°C،

ۇلىتاۋ وبلىسىندا +35…37°C،

جەتىسۋ وبلىسىنىڭ شىعىسى مەن سولتۇستىگىندە +35…37°C دەيىن ىسيدى.

ماماندار تۇرعىنداردى ساقتىق شارالارىن قاتاڭ ساقتاۋعا جانە اۋا رايىنىڭ قولايسىزدىعى كەزىندە الىس جولعا شىقپاۋعا كەڭەس بەرەدى.