قازاقستاندا 31-جەلتوقسان دەمالىس كۇنى دەپ جاريالانا ما

استانا. KAZINFORM - ەڭبەك جانە حالىقتى الەۋمەتتىك قورعاۋ مينيسترلىگى 31-جەلتوقساندى رەسمي دەمالىس كۇنى رەتىندە بەلگىلەۋ مۇمكىندىگىنە قاتىستى تۇسىنىكتەمە بەردى.

- ءبىز بۇل ماسەلەنى بىرنەشە رەت قاراستىردىق. حالىقارالىق تاجىريبەنى زەردەلەدىك، ياعني وزگە دە ەلدەردە 31-جەلتوقسان جۇمىس كۇنى رەتىندە بەلگىلەنگەن. باسقا دا مەملەكەتتەردە 1- جانە 2-قاڭتار مەرەكە كۇندەرى سانالادى، - دەدى ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك جانە الەۋمەتتىك ارىپتەستىك دەپارتامەنتى باسقارماسىنىڭ باسشىسى شالقار ورازبەكوۆ.

ونىڭ ايتۋىنشا، قازىر قازاقستاندا 31-جەلتوقساندى دەمالىس كۇنى دەپ جاريالاۋ ماسەلەسى قاراستىرىلىپ جاتقان جوق.

سونىمەن قاتار ول جەكەلەگەن كاسىپورىندار وزدەرىنىڭ ىشكى ءتارتىپ ەرەجەلەرى اياسىندا جۇمىس كۇنىن قىسقارتۋعا نەمەسە 31 -جەلتوقساندى دەمالىس كۇنى دەپ جاريالاۋعا قۇقىلى ەكەنىن ءتۇسىندىردى.

بۇدان بۇرىن حابارلانعانداي، سۋبسيديالاناتىن جۇمىس ورىندارىن ىسكە اسىرۋ تارتىبىنە وزگەرىس ەنگىزىلىپ جاتىر.