قازاقستاندا 2026-جىلعى 1-قاڭتاردان باستاپ الەۋمەتتىك تولەمدەر وسەدى

استانا. KAZINFORM - قازاقستاندا 2026-جىلى ەڭبەككە جارامسىزدىق جانە اسىراۋشىسىنان ايىرىلۋ بويىنشا تولەمدەر كوبەيەدى.

ۇكىمەت 2025-جىلعى 17-جەلتوقساندا «2026-جىلعى 1-قاڭتاردان باستاپ مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەردىڭ مولشەرىن ارتتىرۋ تۋرالى» قاۋلىنى بەكىتتى.

2026-جىلعى 1-قاڭتاردان باستاپ 2026-جىلعى 1-قاڭتارعا دەيىن تاعايىندالعان ەڭبەككە جارامسىزدىق جانە اسىراۋشىسىنان ايىرىلۋ جاعدايلارىنا ارنالعان مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەردىڭ مولشەرى الىنىپ وتىرعان تولەمدەر كولەمىنەن 10 پايىزعا ارتتىرىلادى، - دەپ جازىلعان قۇجاتتا.

وزگەرىستەر 2026-جىلعى 1-قاڭتاردان باستاپ قولدانىسقا ەنەدى.

ءوسىم كەلەسى جاعدايلارعا ارنالعان

مەملەكەتتىك الەۋمەتتىك ساقتاندىرۋ قورىنىڭ الەۋمەتتىك تولەمدەرىنە قاتىستى:

- ەڭبەككە جارامسىزدىق

- اسىراۋشىسىنان ايىرىلۋ

ماڭىزدى:

- ءوسىم 2026-جىلعى 1-قاڭتارعا دەيىن تاعايىندالعان تولەمدەرگە قولدانىلادى

- قايتا ەسەپتەۋ اعىمداعى تولەم مولشەرىنەن 10+ پايىزدى قۇرايدى

بۇل دەگەنىمىز، تولەم الۋشىلار قوسىمشا ءوتىنىش بەرمەي-اق 1-قاڭتاردان باستاپ تولەمدەردى كوبەيگەن مولشەردە الا باستايدى.

ەسكە سالايىق، بۇعان دەيىن 2026-جىلى زەينەتاقى قانشا تەڭگەگە وسەتىنى بەلگىلى بولدى.