قازاقستاندا 20 ميلليون قوي بار

استانا. قازاقپارات- ەلدەگى قوي سانى 20 ميلليونعا جۋىقتايدى. ونىڭ ىشىندە 3 ميلليوننان استامى اسىل تۇقىمدى. نەگىزىنەن ەدىلباي، ەتتى مەرينوس، قازاقتىڭ بيازى ءجۇندى قويى سياقتى تۇقىمدار وسىرىلەدى.

قوي ەتىنە شەتەلدەن سۇرانىس زور. سوندىقتان ۇكىمەت كەيىنگى جىلدارى سالانىڭ اۋعان جۇگىن تۇزەۋگە كۇش سالىپ كەلەدى. ماسەلەن، بىلتىر 2026-جىلعا دەيىنگى جول كارتاسى قابىلداندى. بۇل قۇجاتتىڭ اياسىندا شارۋاشىلىقتار سانىن ۇلعايتۋ، جاڭا ەكسپورتتىق نارىقتار اشۋ جانە دايىن تاۋار سيكلىن قالىپتاستىرۋ كوزدەلگەن. بىلتىر شارۋاشىلىقتى قولداۋعا 23 ميلليارد تەڭگە قاراستىرىلدى.

مال تۇقىمىن اسىلداندىرۋ بويىنشا 5 ءتۇرلى سۋبسيديالاۋ تەتىگى قاراستىرىلعان. سونداي-اق ينۆەستيتسيالىق سۋبسيديالاۋ شەڭبەرىندە شارۋالاردىڭ شىعىنىنىڭ 25 پايىزى وتەلەدى. بۇل سۋبسيديالار بورداقىلاۋ الاڭدارىن قۇرۋعا، ءجۇن دايىندايتىن سەح جابدىقتارىن الۋعا جانە تەرى وڭدەيتىن كاسىپورىنداردى اشۋعا بەرىلەدى. بىلتىر 42 مىڭ تونناعا جۋىق ءجۇن مەن 8 ميلليوننان استام تەرى وڭدەلدى.

ال قوي ەتىن كونسەرۆىلەۋدە باتىس قازاقستان وبلىسى كوش باستاپ تۇر.

قازاقستانداعى قوي سانى /2023-جىل/

بارلىعى 19725254

كاسىپورىنداردا - 1242677

شارۋا قوجالىقتارىندا - 10148270

حالىقتىڭ قولىندا - 8334307

ديدار ءابىلدينا، ق ر ا ش م مال شارۋاشىلىعى دەپارتامەنتىنىڭ باس ساراپشىسى:

- قازىرگى ۋاقىتتا كونسەرۆى ءوندىرىسىنىڭ 62 پايىزى باتىس قازاقستان وبلىسىندا وندىرىلەدى. 2023-جىلى ەلىمىزدە 6042 توننا ەت كونسەرۆىسى وندىرىلگەن. 2022-جىلمەن سالىستىرعاندا 5,9 پايىزعا تومەندەگەن. ول 2022-جىلى 6420 توننا وندىرىلگەن. ال ەت-وسىمدىك كونسەرۆىلەر ءوندىرىسى دە وندىرىلەدى. ول 4,6 پايىزعا ارتىپ، 1537 توننا وندىرىلگەن.

بىلتىر 7300 توننادان استام قوي ەتى ەكسپورتتالدى. بۇل تىزىمدە وزبەكستان كوش باستاپ تۇر. 2023-جىلى الا توپىلى اعايىن 5400 توننا ەت ساتىپ الدى. بۇدان كەيىن بىرىككەن اراب امىرلىكتەرى تۇر.

قوي ەتىنىڭ ەكسپورتى /2023 -جىل/

جالپى كولەمى 7,3 مىڭ توننا

وزبەكستان - 5,3 مىڭ توننا

ب ا ءا - 1,3 مىڭ توننا ەتىنەن بولەك قوي تىرىلەي دە ەكسپورتتالادى.

ءبىراق 2020-جىلدان بەرى ساۋلىق قوي سىرتقا شىعارىلمايدى. ياعني ەكسپورتتاۋعا تىيىم سالىندى. ال بىلتىردان بەرى ەركەك توقتىنى ساتۋعا 120 مىڭ كۆوتا بەرىلدى. ءسويتىپ، بىلتىر وزبەكستان مەن قىرعىزستانعا 19 مىڭ توقتى جونەلتىلدى.

يمپورتقا كەلسەك، بىلتىر شارۋالار 500 قويدى سىرتتان ساتىپ الدى. ولاردى مال باسىن اسىلداندىرۋ ماقساتىندا اكەلگەن. باسىم بولىگى الپىلىك قوي مەن دورپەر تۇقىمدارى. دەسەك تە، قوي شارۋاشىلىعىنا جايىلىم مەن سۋ تاپشىلىعى تۇساۋ بولىپ وتىر. وسى ماسەلەنى شەشۋ ماقساتىندا اۋىل شارۋاشىلىعى مينيسترلىگى جەرگىلىكتى اتقارۋشى ورگاندارمەن بىرلەسىپ جۇمىس اتقارىپ جاتىر.

- ديدار ءابىلدينا، ق ر ا ش م مال شارۋاشىلىعى دەپارتامەنتىنىڭ باس ساراپشىسى:

بۇگىنگى تاڭدا قوي شارۋاشىلىعىمەن اينالىساتىن شارۋاشىلىق قوجالىقتارىنىڭ ەڭ نەگىزگى ماسەلەلەرىنىڭ ءبىرى - ول جايىلىمدىق جەرلەردىڭ تاپشىلىعى. 2020-2023-جىلدار ارالىعىندا 17,2 ميلليون گەكتار جەر جايىلىمعا بەرىلگەن. بۇدان باسقان شالعايداعى جايىلىمدىق جەرلەردى يگەرۋ ماقساتىندا 2020-2023-جىلدار ارالىعىندا قۇدىقتار قازىلعان. 6,5 مىڭ قۇدىق قازىلعان. سول قۇدىق قازۋدىڭ ارقاسىندا، سۋ كوزدەرىمەن قامتاماسىزداندىرىلدى عوي. سوندىقتان 1,7 ميلليون قوي شالعايداعى جايىلىمدارعا شىعارىلعان.

قويدى كوبەيتۋ ءۇشىن جايىلىم كەرەك. اكىمدىكتەردىڭ مالىمەتىنە سۇيەنسەك، جايىلىم تاپشىلىعى 9 ميلليون گەكتارعا جۋىقتايدى. اسىرەسە وڭتۇستىك ايماقتاردا ماسەلە وتكىر تۇر. تۇركىستان وبلىسىندا 2 ميلليون گەكتاردان استام جايىلىم جەتىسپەيدى. سونداي-اق بۇل تىزىمدە الماتى، اتىراۋ مەن قىزىلوردا وبلىستارى تۇر.

جايىلىم تاپشىلىعى /2023 -جىل/

رەسپۋبليكا 8,9 ميلليون گ ا

تۇركىستان وبلىسى - 2,1 ميلليون گ ا

الماتى وبلىسى - 1,7 ميلليون گ ا

اتىراۋ وبلىسى - 777 مىڭ گ ا

قىزىلوردا وبلىسى - 455 مىڭ گ ا

جالپى بايتاق سارى ارقادا جەر جەتەدى. ودان قالدى، سولتۇستىكتە كوپتەگەن اۋىل ەلسىز جاتقانىن ەسكەرسەك، قوي وسىرۋگە مۇمكىندىك مول. تەك جايىلىمعا قۇدىق قازىپ، توعان توقتاتىپ، سۋ جەتكىزىپ بەرسە، بولاشاقتا قوي شارۋاشىلىعى وركەندەيدى دەگەن ءۇمىت بار.

www.24.kz