قازاقستاندا 11 جاسار قىزدار پاپيللوما ۆيرۋسىنا قارسى ۆاكسينا الادى
استانا. KAZINFORM - بيىلعى جىلدىڭ ءۇشىنشى توقسانىندا قازاقستاندا قىزداردى ادام پاپيللوما ۆيرۋسىنا قارسى ۆاكسيناتسيالاۋ باستالادى.
ق ر د س م سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى نۇرقان ءسادۋاقاسوۆ Kazinform تىلشىسىنە بەرگەن سۇحباتىندا ەلىمىزدە قانشا بالا ەكپە الاتىنىن جانە قانداي ۆاكسينالاۋ كەستەسى قولدانىلاتىنىن ايتىپ بەردى.
- نۇرقان ولجاباي ۇلى، ادام پاپيللوما ۆيرۋسى تۋرالى ايتىپ بەرىڭىزشى، بۇل قانداي ۆيرۋس؟
- ادام پاپيللوما ۆيرۋسى - بۇكىل الەمدە كەڭ تارالعان، شىرىشتى قاباتتار مەن تەرىنى زاقىمدايتىن ۆيرۋستار توبىنىڭ جالپى اتاۋى. ۆيرۋستىڭ 190 نان استام ءتۇرى بەلگىلى، ولاردىڭ كەم دەگەندە 13 ءى قاتەرلى ىسىكتىڭ دامۋىنا اكەلەدى.
ا پ ۆ نەگىزىنەن جىنىستىق قاتىناس ارقىلى تارالادى جانە جۇقتىرۋ جاعدايلارىنىڭ باسىم بولىگى جىنىستىق قاتىناس باستالعاننان كەيىن بولادى. ۆيرۋس تەز تارالادى جانە جاسۋشالاردىڭ قاتەرلى ىسىگىنىڭ قوزدىرعىشىنا اينالادى، سوندىقتان دا قاۋىپتى بولىپ سانالادى.
كوپ جاعدايدا ينفەكتسيا ەش سيمپتومسىز وتەدى، سوندىقتان ادامدا اپۆ بار-جوعىن ارنايى زەرتحانالىق تالداۋدان كەيىن عانا بىلۋگە بولادى.
- قازاقستاندا ا پ ۆ- عا قارسى ۆاكسينالاۋ قاشان باستالادى؟
- جاتىر موينى وبىرىنىڭ دامۋى ا پ ۆ ينفەكسياسىنا بايلانىستى ەكەنى عىلىمي تۇردە دالەلدەنگەن. ا پ ۆ جۇقتىرۋ مەن جاتىر موينى وبىرىنىڭ الدىن الۋدىڭ جالعىز ءادىسى - ۆاكسينالاۋ.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، جاتىر موينى وبىرى الەمدەگى بارلىق قاتەرلى ىسىك اۋرۋلارى قۇرىلىمىندا %13 عا دەيىن جەتەدى. الەمدە جىل سايىن جاتىر موينى وبىرىنان 300 مىڭعا جۋىق ايەل قايتىس بولادى. قازاقستاندا جىل سايىن 1600 دەن استام جاعداي تىركەلىپ، 500 دەن استام ايەل قايتىس بولادى. قاتەرلى ىسىك اۋرۋى اراسىندا جاتىر موينى وبىرى 5 ورىندا، ال ءولىم-ءجىتىم بويىنشا - 8-ورىندا تۇر.
قازىرگى ۋاقىتتا 125 كە جۋىق ەل (ا ق ش، كانادا، اۋستراليا، برازيليا، ۆەنەسۋەلا، ۇلى بريتانيا) ءوزىنىڭ ۇلتتىق يممۋنداۋ باعدارلامالارىنا اپۆ قارسى ۆاكسينانى ەنگىزدى. ق ر دەنساۋلىق ساقتاۋدى دامىتۋدىڭ 2026-جىلعا دەيىنگى تۇجىرىمداماسىنا سايكەس، «2023-2025-جىلدارعا ارنالعان ونكولوگيالىق اۋرۋلارمەن كۇرەس جونىندەگى كەشەندى جوسپار» شەڭبەرىندە ادام پاپيللوما ۆيرۋسىنا قارسى ۆاكسينالاۋدى ەنگىزۋ كوزدەلگەن.
ا پ ۆ- گە قارسى ۆاكسينالاۋدى ەنگىزۋ بويىنشا دايىندىق جۇمىستارى باستالدى. د د س ۇ 9-14 جاس ارالىعىنداعى قىزداردى ۆاكسينالاۋدى ۇسىنىپ وتىر. وسىعان بايلانىستى، قازاقستاندا بيىلعى جىلدىڭ ءۇشىنشى توقسانىندا 11 جاستاعى قىزدارعا ەكپە سالۋ جوسپارلانۋدا. كۇزگە دەيىن 11 جاستاعى 175 مىڭعا جۋىق قىزدى ۆاكسينامەن قامتۋ كوزدەلگەن.
- ۆاكسينالاۋ جۇمىستارى قالاي جۇرگىزىلەدى؟
- ۆاكسينا ءبىلىم بەرۋ ۇيىمدارىنىڭ ەگۋ كابينەتتەرىندە تەگىن قولجەتىمدى بولادى. سونداي-اق، اتا-انا وتىنىشىمەن ۆاكسينانى تىركەلگەن جەرى بويىنشا ەمحانالاردان الۋعا بولادى.
ۆاكسينالاۋ اتا-انانىڭ نەمەسە قامقورشىنىڭ كەلىسىمىمەن، ەش قارسى كورسەتىلىم بولماعان جاعدايدا، دارىگەردىڭ تەكسەرۋىنەن كەيىن جۇرگىزىلەدى. ا پ ۆ- گە قارسى ۆاكسينالار ستاندارتتى 0,5 م ل كولەمدە يىق بۇلشىقەتىنە ەگىلەدى.
- ەلىمىزدە ا پ ۆ- گە قارسى ۆاكسينالاۋ كەستەسى قالاي جوسپارلانادى؟
- د د س ۇ اقپاراتىنا سايكەس، ۆاكسينالاۋ كەستەسى ۆاكسينا سالىنۋى ءتيىس ادامنىڭ جاسىنا بايلانىستى انىقتالادى.
د د ۇ ۇسىنىمىن، ءوندىرۋشىنىڭ نۇسقاۋلىعىن جانە ق ر- دا حالىقتى يممۋنداۋ جونىندەگى ساراپشىلاردىڭ كونسۋلتاتيۆتىك توبىن ەسكەرە وتىرىپ، 6 اي ارالىقپەن ەكى دوزادان تۇراتىن قىزدارعا ارنالعان ا پ ۆ- عا قارسى ۆاكسينالاۋ كەستەسى ۇسىنىلعان.
ايتا كەتۋ كەرەك، كەز كەلگەن ۆاكتسينالاۋ، سونىڭ ىشىندە ا پ ۆ- گە قارسى ۆاكسينالار اقپاراتتاندىرىلعان كەلىسىمدى العاننان كەيىن عانا جاسالادى.
