قازاقستاندا 1-ساۋىردەن باستاپ نە وزگەرەدى؟

استانا. قازاقپارات - قازاقستاندا 1-ساۋىردەن باستاپ نە وزگەرەدى؟ Baq. kz ءتىلشىسىنىڭ شولۋىنا نازار اۋدارايىق.

1-ساۋىردە ءبىرىنشى سىنىپقا قۇجات قابىلداۋ باستالادى

بيىل ءبىرىنشى سىنىپقا ءوتىنىش قابىلداۋ 1-ساۋىردە باستالىپ، 2024 -جىلدىڭ 31-تامىزىنا دەيىن جالعاسادى، دەپ حابارلايدى وقۋ-اعارتۋ مينيسترلىگىنىڭ باسپا ءسوز قىزمەتى.

اتا-انالار بالانىڭ قۇجاتتارىن ەلەكتروندىق ۇكىمەتتىڭ egov.kz ۆەب-پورتالى ارقىلى تاپسىرا الادى.

قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءبىلىم بەرۋ، تالىمگەرلىك جانە بالالاردىڭ قاۋىپسىزدىگى ماسەلەلەرى جونىندەگى زاڭىنا سايكەس ليتسەيلەر مەن گيمنازيالارعا ءبىرىنشى سىنىپقا قابىلداۋ كەزىندە ەمتيحان وتكىزۋگە تىيىم سالاتىن ەرەجە ەنگىزىلدى. بارلىق بالالار، دايىندىق دەڭگەيىنە قاراماستان، تەڭ مۇمكىندىكتەرگە يە بولادى. بۇل باستاما تەستىلەۋ مەن اڭگىمەلەسۋگە بايلانىستى ءبىرىنشى سىنىپ وقۋشىلارىنداعى پسيحولوگيالىق قىسىمدى ازايتۋعا باعىتتالعان، - دەپ اتاپ ءوتتى ورتا ءبىلىم كوميتەتىنىڭ باسقارما باسشىسى ءاليا چوكۋشيەۆا.

بالالار ءبىرىنشى سىنىپقا التى جاستان باستاپ قابىلدانادى.

قانداي قۇجاتتار قاجەت:

- اتا- اناسى نەمەسە زاڭدى وكىلىنىڭ ءوتىنىشى؛

- №065ۋ فورماسىنداعى دەنساۋلىق جاعدايى تۋرالى انىقتاما؛

- 026/ۋ-3 بالانىڭ دەنساۋلىق پاسپورتى؛

- بالانىڭ ەكى دانا 3x4 فوتوسۋرەتى.

ءوتىنىش دەمالىس جانە مەرەكە كۇندەردى قوسپاعاندا، دۇيسەنبىدەن جۇماعا دەيىن قابىلدانادى.

جاڭا وقۋ جىلىندا ءبىرىنشى سىنىپقا 370 مىڭنان استام بالا بارادى دەپ كۇتىلىپ وتىر.

قازاقستاندىقتار قازانعا تىكەلەي ۇشا الادى

اقتوبەدەن قازانعا اۋەقاتىناسى جاڭارتىلادى. QAZAQ AIR اۋەكومپانياسى باسپا ءسوز قىزمەتىنىڭ مالىمەتىنشە، 2024 -جىلعى 1-ساۋىردەن باستاپ «اقتوبە- قازان» باعىتىنداعى رەيس قايتا جاندانادى.

رەيستەر اپتاسىنا 2 رەت دۇيسەنبى جانە جۇما كۇندەرى كەلەسى كەستە بويىنشا ورىندالادى (جەرگىلىكتى ۋاقىت كورسەتىلگەن):

IQ 507 اقتوبە 17:00- قازان 16:40

IQ 508 قازان 17:40 - اقتوبە 21:20

سونداي-اق كەلەسى قالالاردان ترانزيتتىك مارشرۋتتار قاراستىرىلعان:

استانا - اقتوبە - قازان

اتىراۋ - اقتوبە - قازان

اقتوبەدە 1-ساۋىردەن باستاپ زەينەتكەرلەر قوعامدىق كولىكتە تەگىن جۇرەدى

اقتوبەدە 1-ساۋىردەن باستاپ زەينەتكەرلەر قوعامدىق كولىكتە تەگىن جۇرەدى. وسى ۋاقىتقا دەيىن، مۇنداي جەڭىلدىكتى تەك سوعىس ارداگەرلەرى مەن ولارعا تەڭەستىرىلگەن ازاماتتار جانە ءبىرىنشى، ەكىنشى توپتاعى مۇگەدەكتەر پايدالانىپ كەلدى.

ال زەينەتكەرلەرگە 2021 -جىلدىڭ قىركۇيەگىنەن باستاپ، %50 جەڭىلدىك قاراستىرىلعان ەدى. قازىر، وبلىس ورتالىعىندا جولاۋشىلارعا بەس تاسىمالداۋشى مەكەمە، 320 قوعامدىق كولىك قىزمەت كورسەتەدى. جۋىردا جاڭادان 30 اۆتوبۋس اكەلىنگەن. جىل سوڭىنا دەيىن تاعى ەلۋى كەلۋى ءتيىس.

وقۋشىلارعا IV توقسان باستالادى

وقۋشىلار كوكتەمگى 11 كۇندىك كانيكۋلدان كەيىن 1-ساۋىردە وقۋعا كىرىسەدى.

ءتورتىنشى توقساننىڭ ۇزاقتىعى 8 وقۋ اپتاسىن قۇرايدى. سونداي-اق 25-مامىردا قورىتىندى شىعارىلىپ، وقۋ جىلى اياقتالادى.

پوليتسيا اتتەستاتسيادان وتەدى

اتتەستاتسيا 1-ساۋىردە باستالادى.

بۇل اتتەستاتتاۋدىڭ باستى ماقساتى - باسشى لاۋازىمداردى تالانتتى جانە كاسىبي بىلىكتى قىزمەتكەرلەرمەن جاساقتاۋ ءۇشىن كادر رەزەرۆىن قالىپتاستىرۋ.

جالپى كەزەكتەن تىس اتتەستاتتاۋعا جاتاتىن لاۋازىمدار تىزبەسى جەكە قۇرامنىڭ %6 ىن قۇرايدى. اتتەستاتسيانى وتكىزۋ ءۇشىن ىشكى ىستەر ءمينيسترى مەن ونىڭ ورىنباسارلارىنىڭ توراعالىعىمەن ورتالىق جانە وڭىرلىك اتتەستاتتاۋ كوميسسيالارىنىڭ قۇرامى بەكىتىلدى. ورتالىق كوميسسيانىڭ قۇرامىنا باس پروكۋراتۋرانىڭ، سىبايلاس جەمقورلىققا قارسى ءىس-قيمىل اگەنتتىگىنىڭ جانە ۇلتتىق قاۋىپسىزدىك كوميتەتىنىڭ وكىلدەرى كىردى.

اتتەستاتتاۋ رەتىمەن جۇرگىزىلەدى.

مىناداي كەزەڭدەردەن تۇرادى:

- فيزيكالىق جانە اتىس دايارلىعى؛

- قازاقستان رەسپۋبليكاسىنىڭ زاڭناماسىن ءبىلۋ جانە لوگيكالىق ويلاۋدى تەكسەرۋ ءۇشىن كومپيۋتەرلىك تەستىلەۋ؛

- ورتالىق جانە وڭىرلىك اتتەستاتتاۋ كوميسسيالارى وتكىزەتىن اڭگىمەلەسۋ.

قازاقستاندا مۇعالىمدەردى جۇمىسقا قابىلداۋ جۇيەسى وزگەرەدى

1-ساۋىردەن باستاپ ق ر وقۋ-اعارتۋ مينيسترلىگىمەن ۇلتتىق ءبىلىم بەرۋ دەرەكتەر قورىندا پەداگوگتەردى مەكتەپكە جۇمىسقا قابىلداۋ بويىنشا جاڭا مودۋل ىسكە قوسىلادى. وقۋ-اعارتۋ مينيسترلىگىنىڭ مالىمەتىنشە، بۇل شارا سىبايلاس جەمقورلىققا قارسى جانە كونكۋرستىق راسىمدەردى اشىق وتكىزۋگە باعىتتالعان.

سونداي-اق پەداگوگتەردى اتتەستاتتاۋدا قۇجاتتاردى تاپسىرۋ بويىنشا دا اۆتوماتتاندىرۋ ەنگىزىلىپ جاتىر. ەندى پەداگوگتەردىڭ بارلىق مالىمەتى «پەداگوگ پورتفوليوسى» مودۋلىندە جيناقتالادى. مۇندا پەداگوگ تۋرالى، ونىڭ ءبىلىمى، دەنساۋلىق جاعدايى، جۇمىس تاجىريبەسى، قۇقىق بۇزۋشىلىقتار، اتتەستاتتاۋدان ءوتۋ، ماراپاتتارى جانە تالىمگەرلىك پەن سيفرلىق قۇجاتتار تۋرالى ەلەكتروندى اقپارات ساقتالادى.

قايتارىمسىز گرانتقا قۇجات قابىلداۋ باستالادى

8-18-ءساۋىر ارالىعىندا 400 ا ە ك كولەمىندەگى قايتارىمسىز گرانتتىڭ 1-لەگى بويىنشا ءوتىنىم بەرۋ باستالادى.

وتىنىمدەر «Business.enbek.kz» پورتالى ارقىلى ونلاين رەجيمىندە قابىلدانادى. قاتىسۋ ءۇشىن ۇمىتكەر پورتالعا ەلەكتروندىق سيفرلىق قولتاڭبا (ە س پ) ارقىلى تىركەلىپ، ءوتىنىم بەرە الادى.

مەملەكەتتىك گرانت قاراجاتى - الەۋمەتتىك وسال توپتار قاتارىنداعى ادامدارعا ءىسىن جاڭادان باستاعان كاسىپكەرلەرگە وزدەرىنىڭ بيزنەس- الەۋەتىن اشۋعا، ءوندىرىستى جولعا قويۋعا جانە دامىتۋعا، سول ارقىلى ءوزىن تۇراقتى تابىسپەن قامتاماسىز ەتۋگە مۇمكىندىك بەرەدى. ءار قاتىسۋشى ونى تەك ءبىر رەت الا الادى.

ءوتىنىم بەرۋ ءۇشىن قاجەت:

- پورتالدا تىركەلۋ؛

- گرانت الۋ شارتتارىنا سايكەستىگىنە تەكسەرۋدەن ءوتۋ؛

- پورتالدا كورسەتىلگەن بيزنەس-جوسپار ۇلگىسىن جۇكتەپ الىپ، ونى تولتىرۋ جانە پورتالعا ەنگىزۋ (ءوز بەتىنشە بيزنەس- جوسپار جارامايدى)؛

- ءوتىنىش نىسانىن تولتىرۋ جانە ە س ق كىلتىمەن قول قويۋ.

ينتەرنەتكە نەمەسە كومپيۋتەرگە قولجەتىمدىلىك بولماعان جاعدايدا، اۋداندىق مانساپ ورتالىقتارىنىڭ وزىنە-ءوزى قىزمەت كورسەتۋ ايماقتارىندا ءوتىنىم بەرۋگە بولادى.

تومەندەگى الەۋمەتتىك ساناتتاردىڭ بىرىنەن بولۋ كەرەك:

- ەڭبەككە قارسى كورسەتىلىمدەرى جوق مۇگەدەكتىگى بار ازاماتتار؛

- قولدانىستاعى «قانداس» مارتەبەسى بار ادامدار؛

- ءوڭىرارالىق قونىس اۋدارۋشىلار؛

- اتاۋلى الەۋمەتتىك كومەك الۋشىلار، كوپ بالالى وتباسىلارعا جانە (نەمەسە) ونىڭ جۇبايىنا (زايىبىنا) تولەنەتىن جاردەماقى الۋشىلار؛

- مۇگەدەكتىگى بار بالانى (18 جاسقا دەيىنگى بالا) تاربيەلەپ وتىرعان ادام (جۇبايى/زايىبى)؛

- اسىراۋشىسىنان ايىرىلۋ بويىنشا جاردەماقى الۋشىلار.

سونىمەن قاتار، گرانتتار جۇمىسسىز نەمەسە جەكە كاسىپكەر رەتىندە مەملەكەتتىك تىركەۋ مەرزىمى ءۇش جىلدان از جەكە كاسىپكەر رەتىندە گرانت الۋعا ءوتىنىش بەرگەنگە دەيىن تىركەلگەن جاعدايدا جانە ۇمىتكەردىڭ «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ تۋرالى 3 جىلدان اسپايتىن مەرزىمگە سەرتيفيكاتى بار حالىقتىڭ الەۋمەتتىك وسال توپتارىنا بەرىلەدى.

گرانت يەگەرى اتانعان ازامات حابارلامانى العان ساتتەن باستاپ 5 (بەس) جۇمىس كۇنى ىشىندە سالىق ورگاندارىندا ءوز قىزمەتىن تىركەۋگە مىندەتتى.