قازاقستانعا يلون ماسكتىڭ ينتەرنەتىنە قوساتىن جابدىقتىڭ العاشقى پارتياسى جەتكىزىلدى

استانا. قازاقپارات - «Starlink جابدىعىنىڭ العاشقى پارتياسى قازاقستانعا كەلدى. 500 دانا!»، دەپ جازدى بۇگىن ءوزىنىڭ Telegram كانالىندا ق ر سيفرلىق دامۋ، يننۆواتسيالار جانە ايەروعارىش ونەركاسىبى ءمينيسترى باعدات مۋسين.

«الماتىعا جابدىقتى قابىلداۋ بارىسىن ارنايى تەكسەرۋ ءۇشىن كەلدىم. كەلەسى اپتادا تۇركىستان جانە اقمولا وبلىستارىنداعى Starlink جۇيەسىن ورناتۋعا تولىق دايىن مەكتەپتەرگە جابدىقتاردى جەتكىزۋ باستالادى. اتالعان وبلىستاردىڭ اكىمدىكتەرى دايىندىق جۇمىستارىن جاقسى جۇرگىزدى. قالعان وڭىرلەرگە 10 كۇننەن كەيىن جەتكىزىلە باستايدى. بارلىعى 20 كۇن ىشىندە 2000 جيناق كەلەدى، ولار ەلدەگى 2000 شالعايداعى اۋىل مەكتەبىن جوعارى جىلدامدىقتى ينتەرنەتپەن قامتاماسىز ەتەدى»، - دەپ جازدى مينيستر.

سونداي- اق ول اتالمىش جاڭالىقتىڭ مەملەكەت باسشىسىنىڭ شەشىمىنىڭ ارقاسىندا جۇزەگە اسىپ جاتقانىن ءمالىم ەتتى.

وسىعان دەيىن قازاقستاننىڭ 2 مىڭ مەكتەبى يلون ماسكتىڭ Starlink ينتەرنەتىنە قوسىلاتىنىن حابارلاعان ەدىك.

اۆتور

ايدار وسپاناليەۆ