قازاقستانعا وليمپيادانىڭ رەسمي بويتۇمارى تابىستالدى

قازاقستانعا وليمپيادانىڭ رەسمي بويتۇمارى تابىستالدى
فوتو: BAQ. KZ

استانا. KAZINFORM - تۋريزم جانە سپورت ءمينيسترى ەرمەك مارجىقپايەۆ فرانسيانىڭ قازاقستانداعى توتەنشە جانە وكىلەتتى ەلشىسى ديدە كانەسسپەن كەزدەستى.

كەزدەسۋ بارىسىندا ەكى ەلدىڭ وكىلدەرى الداعى وليمپيادا ويىندارىن ۇيىمداستىرۋ، وتكىزۋ بارىسىن تالقىلادى.

فرانسيا - بۇكىل الەمدەگى تۋريستەر ءۇشىن ەڭ تارتىمدى ەلدىڭ ءبىرى. كوپتەگەن مۋزەي، ورتاعاسىرلىق عيماراتتار، تابيعي لاندشافتتىڭ تاڭعاجايىپ ءارالۋانداعى كەز كەلگەن تۋريستى بەي-جاي قالدىرمايتىنى ءسوزسىز. ءبىزدىڭ ەلىمىز دە قولايلى گەوگرافيالىق جاعدايعا يە ەكەنىن ايتقىم كەلەدى. ەرەكشە قورعالاتىن تابيعي ايماقتار ەل اۋماعىنىڭ %10 دان استام جەرىن الىپ جاتىر. قازاقستاندا زاماناۋي تۋريسكە قاجەت دۇنيەنىڭ ءبارى بار دەپ سەنىممەن ايتا الامىن. ءبىز فرانسيادان كەلگەن تۋريستەردى قابىلداۋعا جانە ەلىمىزدىڭ بىرەگەي تابيعاتىن كورسەتۋگە دايىنبىز، - دەدى مينيستر.

مينيستر الماتى وبلىسىنداعى رەسپۋبليكالىق وليمپيادالىق دايىندىق بازاسىندا ەكى ەل سپورتشىلارى اراسىندا بىرلەسكەن وقۋ-جاتتىعۋ جيىندارىن وتكىزۋگە نيەتتى ەكەنىن جەتكىزدى. سونداي-اق مينيستر فرانسيالىق دەلەگاتسيانى جانە سپورتشىلارىن 5-دۇنيەجۇزىلىك كوشپەندىلەر ويىندارىنا قاتىسۋعا شاقىردى.

بۇگىنگى كەزدەسۋ بارىسىندا وليمپيادا جانە پاراليمپيادا ويىندارى الدىنداعى دايىندىق بارىسى ايتىلدى. ەكى ەل ءۇشىن دە وتە ماڭىزدى شارا. وليمپيادا ويىندارى فرانسيادا وتەتىنىنە قۋانىشتىمىن. بۇل قازاقستان مەن فرانسيا اراسىنداعى سپورتتى دامىتۋدا سەرپىن بەرمەك. سونداي-اق وليمپيادا ويىندارىنا دايىندىق شتابى جاقسى جاساقتالعان ەكەن، - دەدى ديدە كانەسس. 

 

BAQ. KZ

سوڭعى جاڭالىقتار