قازاقستانعا گۇلدەر قاي مەملەكەتتەردەن جەتكىزىلەدى

استانا. قازاقپارات - 2025 -جىلى قازاقستان 77,6 ميلليون ا ق ش دوللارى كولەمىندە 10954 توننا گۇل مەن گۇل بۇرشىگىن يمپورتتاعان، دەپ حابارلايدى ۇلتتىق ستاتيستيكا بيۋروسىنىڭ باسپا ءسوز قىزمەتى.

ۆەدومستۆو مالىمەتىنشە، 2024 -جىلى يمپورت كولەمى بۇدان 1,4 مىڭ تونناعا ارتىق بولعان.

گۇلدەردىڭ نەگىزگى جەتكىزۋشىسى - ەكۆادور. جالپى يمپورتتالعان گۇل كولەمىنىڭ %41,9 نەمەسە 4586 تونناسى وسى ەلدەن جەتكىزىلگەن.

سونداي-اق ءىرى كولەمدە گۇلدەر كەلەسى ەلدەردەن اكەلىنەدى:

• قىتاي - 2678 توننا
• نيدەرلاند - 1702 توننا
• كولۋمبيا - 778 توننا
• كەنيا - 739 توننا

- جالپى وتكەن جىلى گۇلدەر الەمنىڭ 45 ەلىنەن جەتكىزىلدى. قازاقستانعا نەگىزىنەن راۋشان گۇلدەرى يمپورتتالعان - 6 219 توننا، - دەلىنگەن حابارلامادا.

وسىدان بۇرىن استانادا حالىقارالىق گۇلدەر كورمەسى وتكەنىن جازعان ەدىك.