قازاقستانعا ءرولى وڭ جاقتا ورنالاسقان كولىكتەردى بولشەكتەپ كىرگىزۋگە تىيىم سالىنادى

ونەركاسىپ جانە قۇرىلىس ءمينيسترىنىڭ بۇيرىعىمەن قازاقستانعا ءرولى وڭ جاقتا ورنالاسقان اۆتوكولىكتەردى كىرگىزۋگە شەكتەۋ ەنگىزىلەدى، دەپ حابارلايدى Kazinform.

- «ساۋدا قىزمەتىن رەتتەۋ تۋرالى» قازاقستان رەسپۋبليكاسى زاڭىنىڭ 17-بابى 2-تارماعىنا جانە 18-بابى 1-تارماعىنىڭ 2) تارماقشاسىنا، ەۋرازيالىق ەكونوميكالىق وداق تۋرالى شارتتىڭ 29 جانە 47-باپتارىنا، سونداي- اق 2014 -جىلعى 29-مامىرداعى ەۋرازيالىق ەكونوميكالىق وداق تۋرالى شارتقا 7-قوسىمشانىڭ 10-بولىمىنە سايكەس قازاقستان رەسپۋبليكاسى اۋماعىنا ءرولى وڭ جاقتا ورنالاسقان جەڭىل اۆتوكولىكتەردى بولشەكتەلگەن تۇردە كىرگىزۋگە التى ايعا تىيىم سالامىن، - دەلىنگەن قۇجاتتا.

كولىكتىڭ كەيبىر تۇرلەرى عانا بۇل تىزىمگە ەنبەگەن:

موتوسيكل (سەدلا) ۇلگىسىندەگى ورىندىقپەن، ەكى الدىڭعى دوڭعالاقتى قولمەن باسقارۋ تەتىكتەرىمەن، جولسىز جەرلەرگە ارنالعان شينالارمەن، ارتقى ءجۇرىستى قامتاماسىز ەتەتىن قورابىمەن، اۆتوماتتى نەمەسە قولمەن باسقارىلاتىن تراسميسسيامەن جابدىقتالعان ەكى نەمەسە ءتورت جەتەكشى دوڭگەلەگى بار ءتورت دوڭعالاقتى جوعارى قوزعالمالى موتورلى كولىك قۇرالدارى؛
قوزعالتقىش سيليندرلەرىنىڭ جۇمىس كولەمى  1000см³ ارتىق، ءبىراق 1500см³ اسپايتىن؛

قوزعالتقىش سيليندرلەرىنىڭ جۇمىس كولەمى 1500см³ ارتىق، ءبىراق 3000см³ اسپايتىن؛
قوزعالتقىش سيليندرلەرىنىڭ جۇمىس كولەمى 3000см³ استام؛
قوزعالتقىش سيليندرلەرىنىڭ جۇمىس كولەمى 1500см³ اسپايتىن؛
قوزعالتقىش سيليندرلەرىنىڭ جۇمىس كولەمى 1500см³ ارتىق، ءبىراق 2500см³ اسپايتىن؛
قوزعالتقىش سيليندرلەرىنىڭ جۇمىس كولەمى 2500см³ استام؛
سىرتقى ەلەكتر كوزىنە قوسىلۋ ارقىلى زاريادتالاتىنداردان باسقا، ۇشقىنمەن تۇتاناتىن پورشەندى ىشكى جانۋ قوزعالتقىشىمەن دە، ەلەكتر قوزعالتقىشىمەن دە قوزعالىسقا كەلتىرىلەتىن كولىك قۇرالدارى.
وسى بۇيرىق العاشقى رەسمي جاريالانعان كۇننەن كەيىن ون كۇن وتكەن سوڭ قولدانىسقا ەنگىزىلەدى.

اۆتور
بالنۇر قوجاگەلدى