قازاقستانعا 20-قازاننان باستاپ كولىك اكەلەتىندەر قانداي شەكتەۋلەردى ءبىلۋى كەرەك

استانا. قازاقپارات - 2025-جىلدىڭ 20-قازانىنان باستاپ قازاقستاندا جەكە پايدالانۋ ءۇشىن اۆتوكولىكتەردى اكەلۋگە قاتىستى جاڭا شەكتەۋلەر كۇشىنە ەنەدى.

بۇل تۋرالى Uchet.kz سايتى حابارلايدى.

بۇل وزگەرىستەر 2025-جىلعى 23-مامىرداعى ەۋرازيالىق ەكونوميكالىق كوميسسيا كەڭەسىنىڭ 45-شەشىمىنە سايكەس ەنگىزىلىپ وتىر.

نەگىزگى وزگەرىس - «جەكە كولىك قۇرالى» ۇعىمىنىڭ ناقتىلانۋى

بۇعان دەيىن بۇل ۇعىم ازاماتتارعا كەيبىر كولىك تۇرلەرىن جانە تىركەمەلەردى جەكە قاجەتتىلىگى ءۇشىن اكەلۋگە مۇمكىندىك بەرەتىن. ەندى مۇنداي كولىكتەردى اكەلۋ تەك ە ە ك القاسىنىڭ 2017-جىلعى 30-ماۋسىمداعى 74-شەشىمىمەن بەكىتىلگەن تىزىمگە ەنگىزىلگەن جاعدايدا عانا رۇقسات ەتىلەدى.

رۇقسات ەتىلگەن كولىك ساناتتارى:

جەڭىل اۆتوموبيلدەر (مەديتسينالىق ماقساتتاعى ارنايى كولىكتەردەن باسقا)، كود - 8703 ت ن ۆ ە د ە ا ە س؛

كۆادروتسيكلدەر، قاردا جۇرەتىن جانە جولسىز جەرلەرگە ارنالعان موتو ۆەزدەحودتار؛

موتوتسيكلدەر، موتوروللەرلەر، موپەدتەر (8711 پوزيتسياسى)؛

سىيىمدىلىعى 12 ورىنعا دەيىنگى اۆتوبۋستار جانە تولىق سالماعى 5 تونناعا دەيىنگى جۇك كولىكتەرى (جەكە كودتار بويىنشا)

قۇجاتتىق تالاپتار

بارلىق اكەلىنەتىن كولىكتەر «دوڭگەلەكتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتكە ساي بولۋى كەرەك. نەگىزگى راستاۋشى قۇجات - كولىك قۇرالىنىڭ قۇرىلىمىنىڭ قاۋىپسىزدىگى تۋرالى كۋالىك.

ول بولماسا، جەكە تۇلعالار:

كەدەندىك راسىمدەۋدەن وتە المايدى؛

ەلەكتروندى كولىك پاسپورتىن الا المايدى؛

ۋتيليزاتسيالىق الىمدى تولەي المايدى؛

كولىكتى تىركەۋگە قويا المايدى.

ناتيجەسىندە

تىزىمگە ەنبەگەن كولىكتەردى ەلگە اكەلۋ مۇلدە مۇمكىن بولمايدى - ولاردى راسىمدەۋ، كەدەندىك تازارتۋ نەمەسە ەسەپكە قويۋ زاڭ جۇزىندە تىيىم سالىنادى.

مامانداردىڭ ايتۋىنشا، بۇل وزگەرىستەردىڭ ماقساتى – ە ا ە و ەلدەرى اراسىنداعى تەحنيكالىق تالاپتاردى بىرىزدەندىرۋ جانە سەرتيفيكاتتالماعان كولىكتەردىڭ اكەلىنۋىن شەكتەۋ.