قازاقستان وزبەكستاننان جۇك ۆاگوندارىن ساتىپ الدى
تاشكەنت. KAZINFORM - قازاقستان «وزبەكستان تەمىر جولدارى» ا ق قۇرامىنا كىرەتىن «قۇيۋ- مەحانيكالىق زاۋىتىنان» 20 جۇك ۆاگونىن ساتىپ الدى. وزبەك تاراپى ولاردى 23- قازاندا ەلىمىزگە جونەلتتى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
كومپانيادان اتاپ وتكەندەي، بارلىق ۆاگوندار حالىقارالىق ستاندارتقا، كەدەن وداعىنىڭ تەحنيكالىق رەگلامەنتىنە ساي جاسالعان. ولار ەنى 1520 م م بولاتىن رەلستەر ارقىلى جۇك تاسىملداۋعا ارنالعان.
«زاۋىت جىلىنا 1200 جاڭا ۆاگون شىعارىپ، تاعى 1500- ءىن جوندەۋدەن وتكىزۋگە قاۋقارلى. كومپانيانىڭ ءونىمى تەك ەل ىشىندە ەمەس، سونىمەن قاتار شەت مەملەكەتتەردە دە سۇرانىسقا يە. بيىل 9 ايدا ەكسپورتتىڭ جالپى سوماسى 2,4 ميلليون دوللارعا تەڭەلدى. نەگىزگى ساتىپ الۋشى ەلدەر: قازاقستان، ليتۆا، شوتلانديا جانە بىرىككەن اراب امىرلىكتەرى»، - دەپ ءمالىم ەتتى «وزبەكستان تەمىر جولدارى» اكسيونەرلىك قوعامىنىڭ باسپا ءسوز قىزمەتىنەن.
ەسكە سالايىق، ق ر كولىك ءمينيسترى مارات قارابايەۆ الداعى 5 جىلدا 1200 جاڭا ۆاگون ساتىپ الىناتىنىن مالىمدەپ ەدى.
مۇنىمەن بىرگە ەلىمىزدە جۇك ۆاگوندارىن جاساۋ 6 ەسە ۇلعايعان بولاتىن.
اۆتور
ءاليحان اسقار
