قازاقستان وزبەكستانعا 500 كيىك بەرۋگە كەلىستى
استانا. قازاقپارات- بۇل تۋرالى وزبەكستاننىڭ ەكولوگيا جانە قورشاعان ورتانى قورعاۋ ءمينيسترى ازيز ابدۋحاكيموۆ ءمالىم ەتتى. ءمينيستردىڭ ايتۋىنشا، قازىر قازاقستاندا جانۋارلاردىڭ سانىن قىسقارتۋ بويىنشا ارنايى باعدارلاما قولعا الىنعان.
كيىكتەردىڭ سانىن 2 ميلليون 3 مىڭنان 460 مىڭعا دەيىن قىسقارتۋ قاراستىرىلعان. وسى رەتتە وزبەكستان تاراپى 500 كيىك سۇراپ، قازاقستاندىق ارىپتەستەرىنە ۇسىنىس جىبەرگەن. رەسمي كەلىسىمگە قول قويۋ ءراسىمى تامىز ايىنا جوسپارلانىپ وتىر.
ازيز ابدۋحاكيموۆ، وزبەكستاننىڭ ەكولوگيا جانە قورشاعان ورتانى قورعاۋ ءمينيسترى:
-قازاقستاننىڭ ەكولوگيا مينيسترلىگىمەن ارىپتەستىك اياسىندا وزبەكستانعا 500 جاس كيىكتى اكەلۋدى جوسپارلاپ وتىرمىز. ءبىزدىڭ ماماندارىمىز جانۋارلاردىڭ جەرگىلىكتى جەرگە جەرسىنۋىن زەرتتەيتىن بولادى. بۇل قادام وزبەكستاندا قورعاۋعا الىنعان كيىكتەردىڭ سانىن كوبەيتۋگە مۇمكىندىك بەرەدى.
