قازاقستان وسىناۋ قيىن كەزەڭدە دە رەسەيدىڭ سەنىمدى ستراتەگيالىق سەرىكتەسى بولىپ قالا بەرەدى - توقايەۆ

استانا. KAZINFORM - قازاقستان وسىناۋ قيىن كەزەڭدە دە رەسەيدىڭ سەنىمدى ستراتەگيالىق سەرىكتەسى بولىپ قالا بەرەدى. بۇل تۋرالى اقوردادا ەلىمىزگە مەملەكەتتىك ساپارمەن كەلگەن رەسەي پرەزيدەنتى ۆلاديمير پۋتينمەن شاعىن قۇرامداعى كەزدەسۋ بارىسىندا مەملەكەت باسشىسى قاسىم-جومارت توقايەۆ ايتتى.

ءبىز ۋاعدالاسىپ، بۇگىن ءسىزدى ەلوردادا كورىپ وتىرعانىمىز ءۇشىن ريزاشىلىعىمدى بىلدىرگىم كەلەدى. بۇل، ارينە، ءبىزدىڭ مەملەكەتارالىق قاتىناستارىمىزداعى وتە ماڭىزدى جانە ەشقانداي ارتىقشىلىقسىز وقيعا. بۇل قاتىناستار ستراتەگيالىق سەرىكتەستىكتىڭ، وداقتاستىقتىڭ وتە بەرىك نەگىزىنە نەگىزدەلگەن. مەن بۇگىن ءسىزدىڭ ماقالاڭىزدى قازاقستاننىڭ بۇقارالىق اقپارات قۇرالدارىنان مۇقيات وقىپ شىقتىم. سىزگە العىس ايتامىن جانە ءوز كەزەگىمدە مەن دە ماقالامدى رەسەيلىك بۇقارالىق اقپارات قۇرالدارىندا جاريالادىم.

مەنىڭ ويىمشا، ءبىز بولاشاققا باعىتتالعان ىنتىماقتاستىقتى دامىتۋدىڭ بارلىق تاسىلدەرىن ءبىراۋىزدان ەگجەي-تەگجەيلى باياندادىق»، - دەپ اتاپ ءوتتى پرەزيدەنت.

قاسىم-جومارت توقايەۆ ءوز ماقالاسىندا قازاقستان رەسەيدىڭ سەنىمدى ستراتەگيالىق سەرىكتەسى، وداقتاسى بولعانىن جانە وسىناۋ كۇردەلى ۋاقىتتا دا بولىپ قالا بەرەتىنىن ايتتى.

«ءسىزدىڭ ساپارىڭىزدىڭ كۇن ءتارتىبى جان-جاقتى. ساپارىڭىز قارساڭىندا ۇكىمەت مۇشەلەرى جۇمىس ىستەپ، كۇن تارتىبىندەگى بارلىق ماسەلەلەردى تالقىلادى»، - دەدى قاسىم-جومارت توقايەۆ.