قازاقستان ورتالىق ازياداعى ە و- نىڭ نەگىزگى سەرىكتەسىنە اينالدى - يانۋش ۆويچەحوۆسكي
الماتى. KAZINFORM - قازاقستانعا العاش رەت ەۋروپالىق وداققا مۇشە 16 ەلدەن اگرو ازىق-تۇلىك سالاسىنداعى 40-تان استام كاسىپكەر كەلدى. ءىسساپار ەلدەگى اگروونەركاسىپ پوزيتسيالارىن نىعايتۋعا باعىتتالعان.
شەتەلدىك بيزنەس-دەلەگاتسيانى باستاپ كەلگەن ەۋروپالىق اۋىل شارۋاشىلىعى كوميسسارى يانۋش ۆويچەحوۆسكيدىڭ ايتۋىنشا، ازيا مەن ەۋروپانىڭ توعىسقان جەرىندە ورنالاسقان قازاقستان عاسىرلار بويى ساۋدا مەن ترانزيتتى دامىتىپ كەلەدى. بۇگىندە قازاقستان ورتالىق ازياداعى ە و-نىڭ نەگىزگى سەرىكتەسىنە اينالدى.
«قازىردىڭ وزىندە دە، قازاقستان ورتالىق ازيا نارىعىنا شىعۋعا ۇمتىلاتىن ە و ازىق-تۇلىك جانە سۋسىن وندىرۋشىلەرى ءۇشىن نەگىزگى قاقپا. وعان قوسا، قازاقستاننىڭ ءوزى ە و اۋىل شارۋاشىلىعى ەكسپورتىنىڭ ماڭىزدى باعىتى. ماسەلەن، تەك 2023 -جىلى بۇل ەكسپورت 702 ميلليون ەۋروعا جەتتى. قازاقستان سونىمەن قاتار ساۋدا-ەكونوميكالىق قاتىناستى رەتتەيتىن ە و- مەن كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمگە (EPCA) قول قويعان ورتالىق ازياداعى ە و- نىڭ العاشقى سەرىكتەسى. بۇل كەلىسىم اۋىلشارۋاشىلىق ونىمدەرى مەن ازىق-تۇلىك، شاراپ جانە سپيرتتىك ىشىمدىكتەرگە ارنالعان گەوگرافيالىق بەلگىلەردى (گ ب) قورعاۋ حاتتاماسى بويىنشا جۇرگىزىلىپ جاتقان كەلىسسوزدەرىمىزدىڭ نەگىزى»، - دەيدى يانۋش ۆويچەحوۆسكي.
سپيكەردىڭ سوزىنشە، قازاقستانعا ەۋروپالىق وداققا مۇشە مەملەكەتتەردىڭ اگرو ازىق-تۇلىك ساۋداسىن ارتتىرۋعا الەۋەتى زور جانە تانىمال كاسىپكەرلەر كەلدى.
«بۇل جوعارى دەڭگەيدەگى ساپار - ءبىزدىڭ قازاقستانمەن سەرىكتەستىگىمىز بەن ەكىجاقتى اۋىلشارۋاشىلىق ازىق- تۇلىك ساۋداسىن ودان ءارى نىعايتۋعا نيەتتى ەكەنىمىزدى كورسەتەدى»، - دەدى ول.
اۆتور
الما مۇقانوۆا
