قازاقستان ورتا دەرجاۆالار ادىلەتتى الەمدىك ءتارتىپتىڭ ورناۋىنا مۇددەلى بولۋى كەرەك دەپ سانايدى - پرەزيدەنت
استانا. KAZINFORM - ورتا دەرجاۆالار دا جاۋاپكەرشىلىك جۇگىن كوتەرۋگە دايىن بولۋعا ءتيىس. بۇل تۋرالى استانا حالىقارالىق فورۋمىندا مەملەكەت باسشىسى قاسىم-جومارت توقايەۆ ءمالىم ەتتى.
- ءسوزسىز، ءبىز بەتپە-بەت كەلىپ وتىرعان سىن-قاتەرلەر ترانسۇلتتىق سيپاتقا يە. دەسەك تە وعان قارسى ارەكەتىمىزدە بىرىزدىلىك جوق. الەمدەگى احۋال وتە شەتىن، تۇراقسىز ءارى كەرەعارلىققا تولى. سوندىقتان جاھاندىق ىنتىماقتاستىق ءۇشىن قۇرىلعان ينستيتۋتتار وسى جاعدايلارعا ساي بولۋعا ءتيىس. قازاقستان ورتا دەرجاۆالار ادىلەتتى ءارى ينكليۋزيۆتى الەمدىك ءتارتىپتىڭ ورناۋىنا مۇددەلى بولۋى كەرەك دەپ سانايدى. قازىرگى جۇيەنى مۇقيات سارالاپ، تىڭ ءادىس-تاسىلدەرگە سۇيەنۋ قاجەت. سوعان سايكەس، ورتا دەرجاۆالار دا جاۋاپكەرشىلىك جۇگىن كوتەرۋگە دايىن بولۋعا ءتيىس، - دەدى قاسىم-جومارت توقايەۆ.
بۇدان بۇرىن حابارلانعانداي، ەلوردادا مەملەكەت باسشىسى قاسىم-جومارت توقايەۆتىڭ قاتىسۋىمەن استانا حالىقارالىق فورۋمى جۇمىسىن باستادى.
ەسكە سالساق، مەملەكەت باسشىسى بۇعان دەيىن الەم قازاقستانعا زور سەنىم ارتاتىنىن، ەلىمىزدە «ورتا دەرجاۆا» رەتىندە تانىپ وتىرعانىن ايتتى.
