قازاقستان ترانسشەكارالىق وزەندەردىڭ سۋىن پايدالانۋدى حالىقارالىق كونۆەنتسيا اياسىندا شەشەدى
استانا. KAZINFORM - ق ر سۋ رەسۋرستارى جانە يرريگاتسيا مينيسترلىگى حالىقارالىق سۋ اعىندارىنىڭ كەمە جۇرمەيتىن تۇرلەرىن پايدالانۋ قۇقىعى تۋرالى كونۆەنسيا اياسىندا ترانسشەكارالىق وزەندەردىڭ سۋىن بىرلەسىپ پايدالانۋ ماسەلەسىن شەشۋگە نيەتتى.
قازاقستان 2024 -جىلى اتالعان كونۆەنسياعا قوسىلدى.
كونۆەنسيا ترانسشەكارالىق وزەندەردەگى سۋدىڭ ءادىل ءبولىنۋىن قامتاماسىز ەتەتىن جانە ونى پايدالانۋدى رەتتەيتىن حالىقارالىق قۇجات سانالادى.
حالىقارالىق كەلىسىم سۋ بولۋگە قاتىستى ىقتيمال داۋلاردى شەشۋ ءۇشىن جانە بارلىق تاراپتىڭ مۇددەسىنە ساي سۋ رەسۋرستارىن دامىتۋعا مەملەكەتتەر اراسىنداعى ىنتىماقتاستىق تەتىكتەرىن جاسايدى.
كونۆەنسياعا سايكەس سۋ اعىنى مەملەكەتى ءوز اۋماعىندا حالىقارالىق سۋ اعىنىن پايدالانۋ كەزىندە باسقا مەملەكەتتەرگە زيان كەلتىرۋمەۋ ءۇشىن ءتيىستى ءىس-شارالاردى قابىلدايدى. سونداي- اق سۋ اعىنى، سۋدىڭ ساپاسى جانە ءتيىستى بولجامدار تۋرالى قولجەتىمدى دەرەكتەرمەن تۇراقتى نەگىزدە بولىسەدى. بۇدان بولەك، سۋ اعىنى مەملەكەتتەرى ءبىر-بىرىنە كەڭەس بەرەدى، جوسپارلانعان ءىس-شارالاردىڭ حالىقارالىق سۋ اعىنىنا اسەرى تۋرالى كەلىسسوز جۇرگىزەدى.
