قازاقستان تەننيسشى بەيجىڭ تۋرنيرىنىڭ شيرەك فينالىنا شىقتى

قازاقستاننىڭ ءبىرىنشى، الەمنىڭ 5-راكەتكاسى ەلەنا رىباكينا بەيجىڭ (قىتاي) WTA 1000 تۋرنيرىنىڭ شيرەك فينالىنا شىقتى، دەپ حابارلايدى قازاقپارات ءتىلشىسى.

рыбакина
Фото: Фото: ktf.kz

قازاقستاندىق تەننيسشى ءۇشىنشى اينالىمدا الەمنىڭ 60-راكەتكاسى، 16 جاستاعى رەسەيلىك ميررا اندرەيەۆامەن شەبەرلىك بايقاستى.

ماتچتى جاس تەننيسشى قارقىندى باستادى - 6:2. دەگەنمەن ەكىنشى پارتيادا ە. رىباكينا تارازى باسىن وزىنە اۋداردى - 6:4.

ءۇشىنشى، شەشۋشى سەتتە ەلەنا 5:0 ەسەبىمەن العا كەتتى. اقىرى ءۇشىنشى ماتچبولىن ەيسپەن ءتامامدادى - 6:1.

ءبىر ساعات 50 مينۋتقا سوزىلعان تارتىستى باسەكە بارىسىندا قازاقستاندىق سپورتشى 10 ەيس جاساپ، 5 برەيك-پوينتتىڭ تورتەۋىن ءوز ەسەبىنە جازدى. م. اندرەيەۆا 2 ەيس، 3 برەيكپەن (9 برەيك-پوينت) كوزگە ءتۇستى.

ەلەنا رىباكينا جارتىلاي فينالعا شىعۋ ءۇشىن الەمنىڭ 1-راكەتكاسى، بەلارۋس وكىلى ارينا سوبولەنكو نەمەسە رەيتينگتە 36-ساتىداعى يتاليالىق ياسمين پاولينيدىڭ بىرەۋىمەن تالاسادى.

تاعى ءبىر قازاقستاندىق، دۇنيەجۇزىلىك رەيتينگتە 258-ورىندا تۇرعان دەنيس ەۆسەيەۆ شاڭحاي ماستەرس جارىسىنىڭ العاشقى اينالىمىندا الەمنىڭ 57-راكەتكاسى، ماجارستاندىق مارتون فۋچوۆيچقا ەسە جىبەردى.

ەسكە سالا كەتەيىك، بۇدان بۇرىن ەلەنا رىباكينانىڭ بەيجىڭ تۋرنيرىنىڭ ءۇشىنشى اينالىمىنا شىققانىن جازعان ەدىك.

 

سوڭعى جاڭالىقتار