قازاقستان تاياۋ شىعىس ەلدەرىنە اۋە كەڭىستىگىن جاپتى

استانا. KAZINFORM - قازاقستاننىڭ اۆياتسيالىق اكىمشىلىگى تاياۋ شىعىستاعى جاعدايعا بايلانىستى اۋە قاتىناسىنا قاتىستى رەسمي تۇسىنىك بەردى.

- تاياۋ شىعىستاعى سوعىس قيمىلى مەن ازاماتتىق اۆياتسيا قاۋىپسىزدىگىنە تونگەن قاۋىپتىڭ جوعارى دەڭگەيىنە بايلانىستى قازاقستاننىڭ اۆياتسيالىق اكىمشىلىگى كەلەسى ەسكەرتۋگە دەيىن يران، يزرايل، سيريا، يراك، يوردانيا جانە ليۆاننىڭ اۋە كەڭىستىگى ۇستىندە، ىشىندە جانە وعان جاقىن جەردە ۇشۋلارعا تولىق تىيىم سالادى، - دەلىنگەن حابارلامادا.

اتالعان نۇسقاۋلىق قازاقستاندىق اۋە كەمەسىن پايدالانۋشىلاردىڭ بارلىق تۇراقتى جانە تۇراقتى ەمەس جولاۋشىلار، جۇك جانە تەحنيكالىق رەيسىنە قاتىستى بولىپ وتىر.

- اتالعان نۇسقاۋلىق جاريالانعان ساتتەن باستاپ كۇشىنە ەنەدى جانە مىندەتتى ورىندالۋى ءتيىس. ايماقتاعى جاعداي وزگەرسە، قازاقستاننىڭ اۆياتسيالىق اكىمشىلىگى قوسىمشا اقپارات بەرەدى، - دەلىنگەن حابارلامادا.

ايتا كەتەلىك س ءى م تاياۋ شىعىس وڭىرىندەگى ءقاۋىپتى اسكەري شيەلەنىسكە بايلانىستى مالىمدەمە جاساعان ەدى.

بۇعان دەيىن يزرايل يرانعا سوققى بەرىپ، اۋە كەڭىستىگىن جاۋىپ تاستاعانى تۋرالى جازعان ەدىك. ا ق ش مەملەكەتتىك حاتشىسى يزرايلدىڭ يرانعا قارسى جاساعان سوققىلارىن «ءبىرجاقتى ارەكەت» دەپ اتاپ، وعان اق ءۇيدىڭ قاتىسى جوق ەكەنىن مالىمدەدى. يزرايلدىڭ يرانعا جاساعان سوققىسىنان كەيىن مۇناي باعاسى كۇرت كوتەرىلدى. سونداي-اق يران يزرايلگە 100 دەن استام درون جىبەردى.

اۆتور

داۋلەت ىزتىلەۋ