قازاقستان ت م د ەلدەرىمەن قوعامدىق دەنساۋلىق ساقتاۋ سالاسىنداعى ىنتىماقتاستىقتى نىعايتادى
استانا. KAZINFORM - بۇگىن سەناتتىڭ جالپى وتىرىسىندا «تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ قوعامدىق دەنساۋلىق ساقتاۋ سالاسىنداعى سانيتاريالىق-ەپيدەميولوگيالىق سيپاتتاعى توتەنشە جاعدايلاردىڭ الدىن الۋ جانە ولارعا دەن قويۋ جونىندەگى ىنتىماقتاستىعى تۋرالى كەلىسىمدى راتيفيكاتسيالاۋ تۋرالى» زاڭى ماقۇلداندى.
زاڭنىڭ ماقساتى - 2022-جىلعى 28-قازاندا استانا قالاسىندا قول قويىلعان اتالعان كەلىسىمدى راتيفيكاتسيالاۋ. قۇجات تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ قوعامدىق دەنساۋلىق ساقتاۋ سالاسىنداعى ىنتىماقتاستىقتى جانە بيولوگيالىق قاتەرلەرگە قارسى ءىس-قيمىلدىڭ ۇجىمدىق جۇيەسىن دامىتۋدىڭ قۇقىقتىق نەگىزدەرىن نىعايتۋعا باعىتتالعان.
سەناتتىڭ الەۋمەتتىك-مادەني دامۋ جانە عىلىم كوميتەتىنىڭ مالىمەتىنە قاراعاندا، كەلىسىمنىڭ ەرەجەلەرى توتەنشە جاعدايلاردى جويۋ بويىنشا ت م د مەملەكەتتەرىنە كومەك ءتارتىبىن رەگلامەنتتەيدى، سونداي-اق مامانداندىرىلعان ەپيدەمياعا قارسى بريگادالار قۇرۋدى كوزدەيدى جانە جۇمىستىڭ نەگىزگى باعىتتارىن، سونداي-اق ولاردى تاۋەلسىز مەملەكەتتەر دوستاستىعى ەلدەرىندە پايدالانۋ شارتتارىن ايقىندايدى.
كەلىسىمگە سايكەس مامانداندىرىلعان ەپيدەمياعا قارسى بريگادا جۇمىسىنىڭ نەگىزگى باعىتتارى: ينفەكتسيالىق اۋرۋلاردىڭ قوزدىرعىشتارىن انىقتاۋ، قاۋىپتى ينفەكسيالىق اۋرۋلاردىڭ ەپيدەميالىق وشاقتارىن وقشاۋلاۋ جانە جويۋ جونىندەگى ەپيدەمياعا قارسى ءىس-شارالاردى جۇرگىزۋگە قاتىسۋ، سۇراۋ سالۋشى تاراپ مەملەكەتىنىڭ مەديتسينالىق ۇيىمدارىنا كونسۋلتاتيۆتىك-ادىستەمەلىك ءارى پراكتيكالىق كومەك كورسەتۋ ەسكەرىلگەن.
قۇجات ەپيدەمياعا قارسى بريگادانى توتەنشە جاعداي ايماعىنا كوشىرۋ، مەملەكەتتىك شەكارا ارقىلى باسىمدىقپەن وتكىزۋ، جابدىقتار مەن شىعىس ماتەريالدارى ءترانزيتى، جەكە قۇرامنىڭ ەڭبەگىنە اقى تولەۋ جانە ولاردى ساقتاندىرۋ، تاماق جانە ورنالاسقان جەردى قورعاۋ ماسەلەلەرىن رەتتەيدى.
زاڭ قابىلدانعاننان كەيىن قوعامدىق دەنساۋلىق ساقتاۋ سالاسىنداعى سانيتاريالىق-ەپيدەميولوگيالىق سيپاتتاعى توتەنشە جاعدايلارعا مونيتورينگ جانە شۇعىل دەن قويۋ جۇيەسىن قالىپتاستىرۋ باعىتىندا وڭتايلار ناتيجەلەر بولادى دەپ ەسكەرىلگەن.
