قازاقستان سۇيىتىلعان مۇناي گاز تاپشىلىعىن 2030 -جىلعا قاراي شەشپەك

استانا. KAZINFORM - قاشاعان جانە قاراشىعاناق كەن ورىندارىندا سۇيىتىلعان مۇناي گاز ءوندىرىسىن ىسكە قوسۋ جوسپارلانىپ وتىر. بۇل تۋرالى ەنەرگەتيكا ۆيتسە- ءمينيسترى الىبەك جاماۋوۆ ءمالىم ەتتى.

«ەنەرگەتيكا مينيسترلىگى سۇيىتىلعان مۇناي گاز تاپشىلىعى ماسەلەسىن 2030 -جىلعا قاراي جابۋ كوزدەلەدى. وسى ورايدا قاشاعان جانە قاراشىعاناق كەن ورىندارىندا سۇيىتىلعان مۇناي گاز ءوندىرىسىن ىسكە قوسۋدى جوسپارلاپ وتىرمىز. وسىلايشا قاشاعاننان جىلىنا 800 مىڭ توننا، قاراشىعاناقتان شامامەن 600-700 مىڭ توننا سۇيىتىلعان مۇناي گاز وندىرىلەدى. مەنىڭ ويىمشا، تاپشىلىقتى ءبىز 2030 -جىلعا قاراي شەشەمىز»، - دەدى الىبەك جاماۋوۆ ءماجىلىس وتىرىسىندا.

ايتا كەتەيىك، تاياۋدا قاشاعان سۇيىتىلعان گازىن جەتكىزۋ تۋرالى شارتقا قول قويىلدى.

ەسكە سالا كەتەيىك، بىلتىر ەلىمىزدەن سۇيىتىلعان مۇناي گازى ەكسپورتىنا تىيىم سالىناتىنى ايتىلعان ەدى.

ايتا كەتەيىك، اتىراۋدا سۇيىتىلعان مۇناي گازىن ساقتايتىن سەرىكتەستىكتىڭ 955 ميلليون تەڭگە تابىسى تاركىلەندى.