قازاقستان سۋدى ەڭ كوپ تۇتىناتىن ەلدەر قاتارىندا

ورتالىق ازياداعى كورشى مەملەكەتتەر سياقتى قازاقستان دا سۋدى تۇتىنۋ دەڭگەيى وتە جوعارى ەلدەر قاتارىندا.

Aquastat دەرەكتەرى بويىنشا، قازاقستاندا 2020-جىلى جان باسىنا شاققانداعى سۋدىڭ جالپى كولەمى 1,31 مىڭ تەكشە مەتردى قۇرادى. ياعني ءبىر ادام تاۋلىگىنە شامامەن 3,6 مىڭ ليتر سۋ جۇمسايدى. Kazinform اگەنتتىگىنىڭ ءتىلشىسى بۇل تۋرالى Energyprom-عا سىلتەمە جاساپ حابارلايدى.

ت م د ەلدەرى اراسىندا سونداي-اق تۇرىكمەنستان (ءبىر ادامعا جىلىنا 4,35 مىڭ تەكشە مەتر)، وزبەكستان (1,76 مىڭ تەكشە مەتر)، ازەربايجان (1,24 مىڭ تەكشە مەتر)، قىرعىزستان (1,17 مىڭ تەكشە مەتر ) جانە تاجىكستان (1,04 مىڭ تەكشە مەتر) كىردى.

سۋدى تۇتىنۋدىڭ ايتارلىقتاي جوعارى دەڭگەيى ارمەنيادا (جان باسىنا شاققاندا 954,7 تەكشە مەتر)، رەسەيدە (444,2 تەكشە مەتر) جانە گرۋزيادا (414,6 تەكشە مەتر) تىركەلدى. ۋكراينا، مولدوۆا جانە بەلارۋس ەلدەرىنىڭ كورسەتكىشتەرى الدەقايدا تومەن بولدى.

بۇدان بولەك، سۋدى تۇتىنۋدىڭ ەڭ جوعارى دەڭگەيى بار ەلدەردىڭ بارلىعىندا دەرلىك جىلدىق ديناميكا تومەندەسە، قازاقستاندا 2020-جىلعى كورسەتكىشتىڭ بىلتىرعىمەن سالىستىرعاندا %2,7 ءوسىمى تىركەلدى.

سۋدى نەمقۇرايلى تۇتىنۋدىڭ سەبەبى انىق - بۇل ونىڭ باعاسى، ءبىزدىڭ وڭىردە الەمدەگى ەڭ تومەن باعانىڭ ءبىرى تىركەلگەن.

وسىلايشا، The International Benchmarking Network for Water and Sanitation Utilities دەرەكتەرىنشە، 2021-جىلى الەمنىڭ 90 ەلى اراسىندا قازاقستان سۋمەن قامتاماسىز ەتۋ بويىنشا «ەڭ ارزان» «ۇشتىككە» ەندى. قۇبىردان اققان سۋدىڭ ءبىر تەكشە مەترىنىڭ قۇنى ايىنا 15 تەكشە مەتر تۇتىنۋ كەزىندە بار بولعانى 0,14 ا ق ش دوللارىن قۇرادى.

سۋ باعاسى «ەڭ ارزان» ەلدەردىڭ قاتارىندا سونداي-اق تاجىكستان (ءبىر تەكشە مەتر ءۇشىن 0,1 ا ق ش دوللارى)، وزبەكستان (0,15 دوللار)، ازەربايجان (0,41 دوللار) جانە رەسەي (0,49 دوللار) بار.

بالكىم، بەلارۋس پەن ۋكراينا عانا سۋعا اسا جاۋاپكەرشىلىكپەن جانە مۇقيات قارايتىن شىعار: ول جاقتا سۋ باعاسى تومەن بولعانىمەن، تۇتىنۋ قازاقستان رەسپۋبليكاسى مەن كورشىلەرىمىزدەن بىرنەشە ەسە تومەن.

بەلارۋس پەن ۋكراينا ەلدەرى عانا سۋعا اسا جاۋاپكەرشىلىكپەن جانە مۇقيات قارايتىن شىعار: ول جاقتا سۋ باعاسى تومەن بولعانىمەن، تۇتىنۋ قازاقستان مەن كورشى ەلدەردەن بىرنەشە ەسە تومەن.

سالىستىرۋ ءۇشىن: دانيادا سۋدىڭ قۇنى قازاقستانعا قاراعاندا 25 ەسە قىمبات، بۇل رەتتە بىزدە ونى تۇتىنۋ 8 ەسە جوعارى. شۆەتسيادا تاريفتەر 22 ەسە، ال بىزدە جان باسىنا شاققانداعى تۇتىنۋ 5 ەسە جوعارى.

ق ر س ج ر ا ۇلتتىق ستاتيستيكا بيۋروسىنىڭ مالىمەتىنشە، بيىلعى قاراشا ايىندا رەسپۋبليكا بويىنشا ورتاشا ەسەپپەن العاندا 1 تەكشە مەتر سۋدىڭ باعاسى 74,21 تەڭگەنى قۇرادى. ياعني، اعىن سۋدىڭ 1 ءليترى 7,4 تيىن تۇرادى.

ورتالىق ازيا مەن جالپى ت م د ەلدەرىندە سياقتى قازاقستاندا بوتەلكەدەگى سۋ باعاسىنىڭ قۇبىردان اققان سۋعا قاراعاندا بىرنەشە ەسە قىمبات ەكەنىنە قاراماستان ارزان. مىسالى، Numbeo مالىمەتىنشە، مەيرامحانالاردا كولەمى 0,33 ليتر سۋدىڭ ءبىر بوتەلكەسى قازاقستاندا ورتا ەسەپپەن $0,48 تۇرادى. سالىستىراتىن بولساق، شۆەيتساريادا ول 9 ەسە، دانيادا 6 ەسە، شۆەتسيادا 4 ەسە قىمبات.

سۋ جەر بەتىنىڭ شامامەن %70 الىپ جاتقانىنا قاراماستان، اۋىز سۋ سونشالىقتى كوپ ەمەس - تەك %3 ەكەنىن ەستە ساقتاۋ كەرەك.

ب ۇ ۇ مالىمەتىنشە، ميللياردتان استام ادام سۋعا قول جەتكىزە الماي وتىر، ال تاعى 2,7 ميلليارد ادام جىلدىڭ كەمىندە ءبىر ايىندا سۋ تاپشىلىعىن سەزىنەدى.

2030-جىلعا قاراي سۋدىڭ جاھاندىق تاپشىلىعى 40 پايىزدى قۇرۋى مۇمكىن، ال قازاقستاندا بۇل كورسەتكىش 15 پايىزعا جەتە الادى.