قازاقستان پرەزيدەنتىنىڭ ساپارى بارلىق سالاداعى بايلانىستى تەرەڭدەتەدى - يتاليالىق ب ا ق

Италиянинг собиқ президенти Жоржио Наполитано билан хайрлашди
Фото: pixabay

  ريم. KAZINFORM - قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ ريمگە ساپارى قازاقستان مەن يتاليا ءۇشىن ءوزارا ءتيىمدى بارلىق سالاداعى بايلانىستاردى ءارتاراپتاندىرۋعا جانە تەرەڭدەتۋگە دەگەن ۇمتىلىستى بايقاتىپ وتىر.

بۇل جايىندا يتاليالىق باق قازاقستان پرەزيدەنتىنىڭ وسى ەلگە ساپارىنىڭ قورىتىندىسى بويىنشا جازىپ جاتىر.

Il Foglio باسىلىمى پرەزيدەنت توقايەۆتىڭ يتالياعا رەسمي ساپارى قازاقستان مەن يتاليا اراسىنداعى ۇلكەن ىنتىماقتاستىقتىڭ بەلگىسى سانالاتىن جوعارى دەڭگەيدەگى كەزدەسۋلەردىڭ تۇتاس سەرياسىن قامتىپ، ناقتى ناتيجەگە باعىت الىپ وتىرعانىن جازادى. باسىلىم اتاپ وتكەندەي، ىنتىماقتاستىق ءتۇرلى باعىتتار بويىنشا دامىپ كەلەدى، ياعني ساياسي، ەكونوميكالىق، مادەني سالالار قامتىلعان. بۇل تۋرالى يتاليا پرەزيدەنتى سەردجو ماتتارەللا «كۆيرينالە» سارايىندا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتى قابىلداعان كەزدە ايتتى.

Il Tempo حابارلاعانداي، كەزدەسۋ بارىسىندا پرەزيدەنت ماتتارەللا ريم مەن استانانى ىنتىماقتاستىقتى جانداندىرۋعا شاقىردى.

«ءسىزدى جانە بىرگە كەلگەن دەلەگاتسيانى قارسى الۋ مەن ءۇشىن ۇلكەن مارتەبە. يتالياعا ساپارىڭىز ءبىزدىڭ ەل ءۇشىن مارتەبە. سوندىقتان كۆيرينالەدە ءسىزدى رەسمي ساپارىڭىز كەزىندە كورىپ وتىرعانىما قۋانىشتىمىن»، - دەدى يتاليا پرەزيدەنتى.

СМИ
Снимок экрана

 

Teleborsa.it ءدىڭ جازۋىنشا، پرەمەر-مينيستر دجوردجا مەلونيدىڭ ق ر پرەزيدەنتى قاسىم- جومارت توقايەۆپەن «كيدجي» سارايىنا كەزدەسۋى ەلدەر اراسىنداعى سەرىكتەستىكتىڭ ستراتەگيالىق قۇندىلىعى مەن قارىم-قاتىناسىنىڭ تاماشا دەڭگەيىن راستايدى. ءوزارا مۇددەگە ساي ءبىرقاتار ستراتەگيالىق سەكتورلاردى قامتيتىن ماڭىزدى ءوزارا تۇسىنىستىك تۋرالى مەموراندۋمدارمەن الماسۋ جانە بىرلەسكەن دەكلاراتسيانى قابىلداۋ ءوزارا قىزىعۋشىلىق تۋدىراتىن بارلىق سەكتورداعى بايلانىستاردى ءارتاراپتاندىرۋعا جانە تەرەڭدەتۋگە ۇمتىلىستى كورسەتىپ وتىر.

ماقالادا ايتىلعانداي، قازاقستان يتاليالىق ەكسپورت (2023 -جىلدىڭ العاشقى 10 ايىندا %31,1+) ءۇشىن قارقىندى دامىپ كەلە جاتقان نارىققا اينالىپ كەلەدى. بۇل رەتتە، ءسان سەكتورىنداعى (توقىما جانە كيىم، زەرگەرلىك بۇيىمدار، ونەر تۋىندىلارى مەن بىلعارى) ساتىلىمدا، سونداي- اق اعاشتان جاسالعان زاتتار مەن ەلەكتر قۇرىلعىلار ءارى مەتالل زاتتارى بويىنشا ساۋدادا ىلگەرىلەۋ بايقالدى.

باسىلىم مەملەكەت باسشىسىنىڭ ريمگە ساپارىنا وراي CDP مەن «سامۇرىق- قازىنا» ا ق اراسىندا كەلىسىمگە قول قويىلعانىن ەرەكشە اتاپ ءوتتى. بۇل تۇرعىدا يتاليالىق جانە قازاقستاندىق كومپانيالار اراسىنداعى ىنتىماقتاستىقتى ىلگەرىلەتۋ، تۇراقتى ءوسۋ جوبالارىن ىنتالاندىرۋ جانە يتاليا مەن قازاقستانداعى الەۋەتتى ينۆەستيتسيالىق مۇمكىندىكتەردى انىقتاۋ ەسكەرىلگەن. اتاپ ايتقاندا، Cassa Depositi e Prestiti باس ديرەكتورى داريو سكانناپيەكو مەن «سامۇرىق- قازىنا» ا ق باسقارما ءتوراعاسى نۇرلان جاقىپوۆ قول قويعان ىنتىماقتاستىق تۋرالى كەلىسىمنىڭ نەگىزگى تارماقتارىندا وسى ماسەلەلەر قامتىلدى.

CDP مەن «سامۇرىق- قازىنا» قورى اراسىنداعى ىنتىماقتاستىق تۋرالى كەلىسىم ەكى جىلعا ارنالعان جانە ول وڭدەۋ ونەركاسىبى، ەنەرگەتيكالىق ءارى لوگيستيكا سەكتورلارىنا باعىتتالعان. قۇجات CDP توبىنىڭ كومپانيالارى مەن «سامۇرىق- قازىنا» قورىنىڭ ىنتىماقتاستىعىن نىعايتۋدى، سونداي- اق ەكى ەلدىڭ ينۆەستيتسيالىق مۇمكىندىكتەرىن ىلگەرىلەتۋدى قاراستىرىپ وتىر.

ۇيىمداستىرعان يتاليالىق- قازاقستاندىق دوڭگەلەك ۇستەل وتىرىسى اياسىندا SACE پەن KazakhExport، سونداي- اق قازاقستاننىڭ دامۋ بانكى (ق د ب) اراسىندا ءوزارا تۇسىنىستىك تۋرالى ەكى مەموراندۋمعا قول قويىلعانىن جازعان. قۇجاتتار يتاليالىق جانە قازاقستاندىق كومپانيالار اراسىنداعى سەرىكتەستىكتى نىعايتۋعا، قازاقستانداعى Made in Italy ونىمدەرىنىڭ سانىن ارتتىرۋعا باعىتتالعان.

СМИ
Снимок экрана

 

اتاپ ايتقاندا، KazakhExport-پەن قول قويىلعان العاشقى ءوزارا تۇسىنىستىك تۋرالى مەموراندۋم يتاليا مەن قازاقستان اراسىنداعى كوممەرتسيالىق قارىم-قاتىناستاردى دامىتۋعا، ورتالىق ازيادا جۇمىس ىستەۋگە مۇددەلى يتاليالىق كومپانيالاردىڭ جانە يتاليانىڭ نارىعىنا شىعۋعا مۇددەلى قازاقستاندىق كومپانيالاردىڭ بيزنەسىن ىنتالاندىرۋعا ارنالعان.

سونداي-اق قۇجات جاڭا ساقتاندىرۋ ءارى قارجىلىق تەتىكتەردى ازىرلەۋدە جانە قولدانىستاعى بيزنەس باعىتتارىن ىلگەرىلەتۋدە SACE جاعىنان KazhakExport-قا قولداۋ كورسەتۋدى قاراستىرادى.

ق د ب- مەن جاسالعان ەكىنشى مەموراندۋم ەنەرگەتيكا، مەتاللۋرگيا، تاۋ-كەن ونەركاسىبى، كولىك، ماشينا جاساۋ جانە ازىق-تۇلىك سياقتى باسىم سەكتورلارداعى جاڭا بيزنەس مۇمكىندىكتەرىن انىقتاۋ ارقىلى ەكى ەل اراسىنداعى كوممەرتسيالىق قارىم- قاتىناستاردى نىعايتۋعا باعىتتالعان. سونىمەن قاتار، وسى كەلىسىم بويىنشا تاراپتار يتاليالىق جانە قازاقستاندىق ارىپتەستەردىڭ قاتىسۋىمەن Business Matching ءىس- شارالارىن ۇيىمداستىرۋعا مىندەتتەلدى.

مۇنىمەن قوسا، قازاقستان رەسپۋبليكاسى پرەزيدەنتىنىڭ يتالياعا ساپارى اياسىندا يتاليالىق SIMEST كومپانياسى «Kazakh Invest» ۇلتتىق ينۆەستيتسيالىق كومپانياسىمەن ىنتىماقتاستىق تۋرالى كەلىسىمگە قول قويدى. كەلىسىم اياسىندا تاراپتار ساۋدا قاتىناستارىن ودان ءارى دامىتۋ جانە ءوزارا ينۆەستيتسيانىڭ جالپى كولەمىن ۇلعايتۋ ماقساتىندا ەكىجاقتى بايلانىستى ىنتالاندىرۋعا ۋاعدالاستى.

Teleborsa.it جازعانداي، Kazakh Invest-پەن جاسالعان كەلىسىم يتاليا مەن قازاقستان اراسىنداعى ساۋدا- ونەركاسىپتىك قارىم-قاتىناستاردى دامىتۋ ءۇشىن ماڭىزدى مۇمكىندىك بولادى.

اۆتور

رۋسلان عابباسوۆ

سوڭعى جاڭالىقتار