07:32, 21 - قاراشا 2024 | GMT +6
قازاقستان پرەزيدەنتى ماجارستان پرەمەر-ءمينيسترىنىڭ سالتاناتتى قابىلداۋىنا قاتىستى
بۋداپەشت. KAZINFORM — اقوردا قاسىم- جومارت توقايەۆتىڭ ماجارستان پرەمەر-ءمينيسترىنىڭ سالتاناتتى قابىلداۋىنا قاتىسقانىن مالىمدەدى.
ماجارستان پرەمەر-ءمينيسترىنىڭ كەڭسەسى ورنالاسقان عيماراتتا مەملەكەتتىك ساپارمەن كەلگەن قازاقستان پرەزيدەنتىنىڭ قۇرمەتىنە سالتاناتتى قابىلداۋ ۇيىمداستىرىلدى.
مەملەكەت باسشىسى قاسىم-جومارت توقايەۆ قازاق دەلەگاتسياسىنا كورسەتكەن قوناقجايلىعى مەن دوستىق پەيىلى ءۇشىن ۆيكتور وربانعا ريزاشىلىعىن ءبىلدىردى.
ايتا كەتەيىك، بۇعان دەيىن قاسىم-جومارت توقايەۆ بۋداپەشتتە ۆيكتور وربانمەن كەلىسسوز جۇرگىزدى.
قازاقستان مەن ماجارستان ورتاق باستامالاردى جۇزەگە اسىرۋدى كوزدەيتىن بىرلەسكەن مالىمدەمە قابىلدادى.
قاسىم-جومارت توقايەۆ پەن ۆيكتور وربان ب ا ق وكىلدەرى ءۇشىن بريفينگ وتكىزدى.
