قازاقستان پرەزيدەنتى ۇلى بريتانيانىڭ مەملەكەتتىك ءمينيسترى نۋسرات گانيدى قابىلدادى

 پرەزيدەنت قاسىم- جومارت توقايەۆ ۇلىبريتانيانىڭ بيزنەس جانە ساۋدا ىستەرى جونىندەگى مەملەكەتتىك ءمينيسترى نۋسرات گانيگە ءىلتيپات بىلدىرە وتىرىپ، ۇلىبريتانيا قازاقستاننىڭ نەگىزگى ساۋدا سەرىكتەسىنىڭ ءبىرى جانە ەل ەكونوميكاسىنا ينۆەستيتسيا سالۋ كورسەتكىشى بويىنشا جەتىنشى ينۆەستور ەكەنىن اتاپ ءوتتى. kazinform بۇل تۋرالى اقورداعا سىلتەمە جاساپ حابارلايدى.

بۇگىندە قازاقستاندا 550 دەن استام بريتاندىق كاسىپورىن جۇمىس ىستەپ جاتىر، ولاردىڭ اراسىندا Shell جانە Ernst Young سياقتى جەتەكشى كومپانيالار بار.

مەملەكەت باسشىسىنىڭ ايتۋىنشا، قازاقستان مەن ۇلى بريتانيا اراسىنداعى تاۋار اينالىمى بىلتىر 60 پايىزعا ارتىپ، 1,8 ميلليارد دوللاردى قۇرادى.

«ءبىز لوندونمەن ساۋدا جانە ينۆەستيتسيا سالالارىنداعى بايلانىستارىمىزدى كەڭەيتۋگە مۇددەلىمىز. بريتاندىق تاراپتىڭ دا قازاقستانمەن جان- جاقتى ىنتىماقتاستىقتى دامىتۋعا نيەت تانىتىپ وتىرعانىن ەرەكشە اتاپ وتكىم كەلەدى»، - دەدى پرەزيدەنت.

ءوز كەزەگىندە نۋسرات گاني قۇرمەت كورسەتكەنى ءۇشىن قاسىم- جومارت توقايەۆقا جانە قازاقستان حالقىنا ريزاشىلىعىن ءبىلدىرىپ، ۇلىبريتانيا تاراپى ەكىجاقتى بايلانىستاردى دامىتۋعا باسا ءمان بەرەتىنىن اتاپ ءوتتى.