16:10, 09 - تامىز 2024 | GMT +6
قازاقستان پرەزيدەنتى جاپونيا پرەمەر- مينيسترىمەن تەلەفون ارقىلى سويلەستى
استانا. KAZINFORM - مەملەكەت باسشىسى قاسىم-جومارت توقايەۆ جاپونيا پرەمەر- ءمينيسترى فۋميو كيشيدامەن تەلەفون ارقىلى سويلەستى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ جاپونيادا بولعان جەر سىلكىنىسىنە بايلانىستى جاپون حالقىنا سابىر تىلەپ، تابيعات اپاتىنىڭ سالدارى اۋىر بولمايدى دەپ ۇمىتتەنەتىنىن ايتتى.
ءوز كەزەگىندە فۋميو كيشيدا قازاقستانعا رەسمي ساپارىن، سونىڭ ىشىندە «ورتالىق ازيا + جاپونيا» ديالوگىنىڭ ءبىرىنشى سامميتىنە قاتىسۋىن امالسىزدان كەيىنگە شەگەرگەنىن وكىنىشپەن جەتكىزدى.
اڭگىمەلەسۋ بارىسىندا قاسىم-جومارت توقايەۆ پەن فۋميو كيشيدا قازاق-جاپون قاتىناستارىنىڭ قازىرگى جاي-كۇيى مەن دامۋ پەرسپەكتيۆاسىن تالقىلاپ، ءوڭىرارالىق ىقپالداستىق ماسەلەلەرى جونىندە پىكىر الماستى.
