قازاقستان - رەسەي شەكاراسىنان ءوتۋ جەڭىلدەيدى

Фото: egemen.kz
Фото: из открытых источников

بيىل 1- قاراشادان باستاپ قازاقستان-رەسەي شەكاراسىنداعى «ءبيدايىق» اۆتوموبيل وتكىزۋ پۋنكتىندە (سولتۇستىك قازاقستان وبلىسى) ەلەكتروندى كەزەك جۇيەسىن ەنگىزۋ بويىنشا پيلوتتىق جوبا ىسكە قوسىلادى، دەپ حابارلادى مەملەكەتتىك كىرىستەر كوميتەتى.

بۇگىندە ەلەكتروندى كەزەكتى برونداۋ جۇيەسى قازاقستاننىڭ قىتايمەن، وزبەكستانمەن، تۇركىمەنستانمەن شەكاراسىندا ىسكە اسىرىلعان. ول وڭ ناتيجە كورسەتكەن.

ەلەكتروندى كەزەك جۇيەسىن قارجى مينيسترلىگى «اقپاراتتىق-ەسەپكە الۋ ورتالىعى» ا ق CarGoRuqsat ونلاين برونداۋ سەرۆيسىنىڭ ماماندارى ازىرلەگەن.

سەرۆيس Qoldau.kz سيفرلىق پلاتفورما بازاسىندا ىسكە اسىرىلدى جانە تەگىن جۇمىس ىستەيدى.

CarGoRuqsat ەلەكتروندى كەزەك جۇيەسىنىڭ مىندەتى تاسىمالداۋشىلارعا كەزەكتى الدىن الا برونداۋ جانە اقپاراتتىق جۇيەلەردە قاجەت قۇجاتتاردى تەكسەرۋدى اۆتوماتتاندىرۋ مۇمكىندىگىن بەرۋ بولىپ سانالادى. بۇل شەكارادان ءوتۋدىڭ جەدەلدىگى مەن اشىقتىعىن قامتاماسىز ەتەدى، جۇك كولىكتەرىنىڭ كەپتەلىسىن تۋدىرمايدى ءارى م م ك- عا تاۋەكەلدەردى باسقارۋ جۇيەسىن اۆتومات رەجيمدە باقىلاۋعا مۇمكىندىك بەرەدى.

پيلوتتىق جوبا شەڭبەرىندە «ءبيدايىق» اۆتوموبيل وتكىزۋ پۋنكتى ارقىلى قازاقستان اۋماعىنان شىعۋدى جوسپارلاعان تاسىمالداۋشىلار 2023-جىلعى 1- قاراشادان باستاپ CarGoRuqsat قوسىمشاسى ارقىلى ەلەكتروندىق كەزەكتەن ورىندى برونداۋى قاجەت.

ول ءۇشىن https://cgr.qoldau.kz/ru/start سىلتەمەسىنە ءوتۋ كەرەك. CarGoRuqsat قوسىمشاسىنا تىركەلۋ جانە كىرۋ، «ءبيدايىق» وتكىزۋ پۋنكتىن تاڭداۋ، شەكارانى كەسىپ ءوتۋ كۇنى مەن ۋاقىتىن كورسەتۋ جانە جۇرگىزۋشى مەن كولىك تۋرالى دەرەكتەردى تولتىرۋ شارت. ءوتىنىم ماقۇلدانعاننان كەيىن شەكارادان ءوتۋ ءۇشىن وتكىزۋ پۋنكتىنە ۋاقىتىندا كەلۋ قاجەت، - دەپ جازىلعان حابارلامادا.

كۇتپەگەن جاعدايلاردى بولدىرماۋ ءۇشىن م ك ك ەلەكتروندى كەزەكتى الدىن الا برونداۋعا كەڭەس بەرەدى.

halyq-uni.kz

سوڭعى جاڭالىقتار