قازاقستان رامىزدەرىن قورلاعاندارعا قانداي جازا قولدانىلادى
استانا. KAZINFORM - قازاقستان تاۋەلسىزدىك العانىنا 30 جىلدان اسىپ كەتسە دە، ءالى كۇنگە دەيىن مەملەكەتتىك رامىزدەرگە ءتۇرلى سيپاتتاعى شابۋىلدار جويىلماي تۇر.
اتىراۋ قالاسىنداعى جاستاردىڭ ساۋد ارابياسىنىڭ جالاۋىنداعى اتريبۋتى قوسارلانعان مەملەكەتتىك تۋمەن سۋرەتكە ءتۇسۋى سوعان دالەل. مۇنداي ارەكەتتەردىڭ جازاسى قانداي؟ رامىزدەر كۇنىندە وسى ساۋالعا جاۋاپ ىزدەپ كوردىك.
مادەنيەت جانە اقپارات مينيسترلىگىنىڭ مالىمەتى بويىنشا، مەملەكەتتىك رامىزدەردى ورىنسىز پايدالانعاندار اكىمشىلىك قۇقىق بۇزۋ تۋرالى كودەكس بويىنشا، قورلاعاندار قىلمىستىق كودەكس بويىنشا جاۋاپكەرشىلىككە تارتىلادى.
ەندى وسى باپتاردى تارقاتىپ كورەيىك.
اكىمشىلىك قۇقىق بۇزۋ تۋرالى كودەكستىڭ 458-بابىنىڭ 1 بولىگى:
مەملەكەتتىك تۋدى، ەلتاڭبانى، گيمندى زاڭناما تالاپتارىن بۇزا وتىرىپ پايدالانۋ مەن ورىنداۋدىڭ جازاسى - 50 ايلىق ەسەپتىك كورسەتكىش (بيىل - 196600 تەڭگە) كولەمىندە ايىپپۇل.
وسى كودەكستىڭ 418-بابىنداعى 1-بولىكتىڭ 1-تارماعى:
مەملەكەتتىك تۋ مەن ەلتاڭبانى قولدانعاندا، كورنەكى ورىنعا قويعاندا (ىلگەندە) مەملەكەتتىك نىشاندار تۋرالى زاڭناما بۇزىلسا، ەسكەرتۋ جاسالىپ:
جەكە تۇلعالارعا - 5 ا ە ك (19660 تەڭگە)؛
لاۋازىمدى ادامدارعا، شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا - 10 ا ە ك (39320 تەڭگە)؛
ورتا كاسىپكەرلىك سۋبەكتىلەرىنە - 20 ا ە ك (78640 تەڭگە)؛
ءىرى كاسىپكەرلىك سۋبەكتىلەرىنە 30 ا ە ك (117960 تەڭگە) ايىپپۇل سالىنادى.
ال مەملەكەتتىك رامىزدەردى قورلاعاندار قىلمىستىق كودەكستىڭ 372-بابى بويىنشا قۋدالانادى.
- قازاقستان رەسپۋبليكاسىنىڭ مەملەكەتتىك رامىزدەرىن قورلاۋ - 3 مىڭ ا ە ك (11 ميلليون 796 مىڭ تەڭگەگە دەيىن) مولشەردە ايىپپۇل سالۋعا نە سول مولشەردە تۇزەۋ جۇمىستارىنا؛ نە 900 ساعاتقا دەيىنگى مەرزىمگە قوعامدىق جۇمىستارعا تارتۋعا؛ نە 2 جىلعا دەيىنگى مەرزىمگە باس بوستاندىعىن شەكتەۋگە؛ نە سول مەرزىمگە باس بوستاندىعىنان ايىرۋعا جازالانادى، - دەپ جازىلعان كودەكستىڭ 372-بابىندا.
اتالعان جازالارعا تاپ كەلمەۋ ءۇشىن «مەملەكەتتىك نىشاندار تۋرالى» كونستيتۋتسيالىق زاڭدى ءبىلۋ ماڭىزدى. ويتكەنى زاڭدى بىلمەۋ جازادان بوساتپايدى. وسى تۇرعىدا مەملەكەتتىك رامىزدەرگە قولدانىلاتىن ۇلتتىق ستاندارتتاردىڭ جالپىعا ورتاق تەزيستەرىن ۇسىنىپ وتىرمىز.
كولەمىنە قاراماستان ۇلتتىق ستاندارتقا سايكەس كەلۋگە تيىس.
ۇلتتىق ستاندارتقا سايكەس كەلمەگەن جاعدايدا مەملەكەتتىك رامىزدەردى پايدالانۋ ماسەلەلەرى جونىندەگى ۋاكىلەتتى ورگان ايقىندايتىن تارتىپپەن اۋىستىرىلۋعا جانە جويىلۋعا ءتيىس.
بەينەسىن قوعامدىق بىرلەستىكتەر مەن باسقا دا ۇيىمدار ءوز تۋلارىنىڭ گەرالديكالىق نەگىزى رەتىندە پايدالانا المايدى.
بەينەسى مەملەكەتتىك ناگرادالاردىڭ، ۇلتتىق بانك بانكنوتتارى مەن مونەتالارىنىڭ ەلەمەنتى نەمەسە گەرالديكالىق نەگىزى رەتىندە پايدالانىلۋى مۇمكىن.
مەملەكەتتىك تۋدىڭ نەگىزگى كورسەتكىشتەرى مەن سيپاتتامالارى:
سابىنىڭ تۇسىندا ۇلتتىق ورنەك تىك جولاق تۇرىندە ناقىشتالعان.
ەنى مەن ۇزىندىعىنىڭ اراقاتىناسى - 1:2.
شۇعىلالى كۇننىڭ، قىراننىڭ جانە ۇلتتىق ورنەك بەينەلەنگەن تىك جولاقتىڭ بەينەسى التىن ءتۇستى بولۋى كەرەك.
ماتاسى - كوگىلدىر ءتۇستى، جىرتىلمايتىن، ۇيكەلۋگە ءتوزىمدى بولۋ كەرەك.
ماتانىڭ كوگىلدىر ءتۇسى - №3125 U ستاندارتىنا، شۇعىلالى كۇننىڭ، قىراننىڭ، ۇلتتىق ورنەك بەينەلەنگەن تىك جولاقتىڭ ءتۇسى - №102 ستاندارتىنا سايكەس بولۋ كەرەك.
مەملەكەتتىك تۋدى ۇشتىعىمەن نەمەسە ونسىز ساپتا، تۇعىردا جەلبىرەگەن ماتا تۇرىندە بەينەلەۋگە بولادى.
مەملەكەتتىك تۋدىڭ نەمەسە ونىڭ سيمۆوليكا ەلەمەنتتەرىنىڭ بەينەسى تۇسىرىلگەن ماتەريالدىق وبەكتىلەردە:
بۇلدىر بەينە؛
سورالار، داقتار؛
كومپوزيتسيالىق شەشىمدە سيمۆوليكا ءتۇسىنىڭ بۇزىلۋى رۇقسات ەتىلمەيدى.
تۋ جاسايتىن شيكىزاتقا جانە ماتەريالدارعا قويىلاتىن تالاپتار:
ماقتا، زىعىر، جىبەك، ارالاس جانە ءجۇن ماتالاردان، سونداي- اق حيميالىق تالشىقتار (جىپتەر) قولدانىلعان ماتالاردان دايىندايدى. ساپتۇعىر مەن ۇشتىق مەتالدان، اعاشتان نەمەسە پلاستيكتەن دايىندالادى.
گرافيكالىق بەينەسى تيپوگرافيالىق، باسۋ، شتامپتاۋ، ويۋ، جۇقالتىرمەن بەدەرلەۋ ارقىلى، كومپيۋتەرلىك گرافيكا كومەگىمەن نەمەسە ونىڭ ولشەمىنە تاۋەلسىز قامتاماسىز ەتەتىن باسقا تاسىلمەن تاسىلمەن ورىندالۋى مۇمكىن.
100 م م كەم ديامەترلى بەينەسىن قولدانعان جاعدايدا وڭايلاتىلعان نۇسقاسىن قولدانۋعا جول بەرىلەدى.
ورىنجاي ىشىندە پايدالانۋدىڭ كەپىلدىك مەرزىمى - پايدالانۋعا ەنگىزگەن كۇننەن باستاپ 3 جىلدان كەم ەمەس. ال اشىق اسپان استىندا قويىلعان جاعدايلاردا پايدالانۋ مەرزىمىن ءوندىرۋشى بەلگىلەيدى.
ەلتاڭبانىڭ رەسمي قولدانىسقا ارنالعان نۇسقاسى - 500 م م ەتالون ۇلگى. بۇل ۇلگىنىڭ سيپاتى مىنانداي:
نەگىز رەتىندە قازاق كيىز ءۇيىنىڭ سيمۆولدىق بەينەسى قابىلدانعان.
قيىق كونۋس ءپىشىنى بار.
كيىز ءۇي قۇرىلىمى نەگىزگى تومەندەگى ەلەمەنتتەردەن تۇرادى: «شاڭىراق»، «كەرەگە»، «بوساعا».
قيما كونۋستىڭ بۇيىرلىك بەتىندە «بەس بۇرىشتى جۇلدىز» ورنالاسقان.
«شاڭىراق» گەربتىڭ ورتالىق وسىنە قاراي ىعىسا وتىرىپ كيىز ءۇيدىڭ ورتالىق بولىگىنە ورنالاسقان.
«كەرەگە» «شاڭىراق» نەگىزىنە سيممەتريالىق قاتىناستا ورنالاسقان.
«شاڭىراقتان» ارالى 5° بۇرىشپەن بولىنگەن 72 «ۋىق» تارايدى.
ەلتاڭبادا شىعىڭقى ەلەمەنتتەرى بار تومەنگى بولىككە ورنالاسقان.
«QAZAQSTAN» ءسوزى «بوساعانىڭ» ورتالىق بولىگىندە ورنالاسقان.
«تۇلپارلار» (اڭىزداعى قاناتتى تۇلپارلار) - «شاڭىراق» ەلەمەنتىنىڭ ەكى جاعىنان سيممەتريالى ورنالاسقان.
«ارقار ءمۇيىزى» - «Qazaqstan» ءسوزىنىڭ ەكى جاعىنان كومپوزيتسيا ءتۇزىپ ورنالاسقان.
ءانۇران
انشىلەر مەن انشىلەر- سازدى اسپاپتار ورىنداعان جاعدايدا تولىق ورىندالۋ كەرەك.
ال سازدى اسپاپتار ورىنداعان جاعدايدا ىشىنارا ورىنداۋعا جول بەرىلەدى - باستاپقى ءبىر شۋماعى مەن قايىرماسى بىر رەت ورىندالادى.
ءماتىنى مەن مۋزىكالىق رەداكسياسى دالمە- ءدال سايكەستىكتە ورىندالۋعا تيىس.
كوپشىلىك الدىندا ورىندالعاندا ءىس-شاراعا قاتىسۋشىلار ورنىنان تۇرىپ، وڭ قولىنىڭ الاقانىن جۇرەك تۇسىنا قويىپ تىڭدايدى.
شەت مەملەكەتتەر اۋماعىندا قازاقستان سىرتقى ىستەر مينيسترلىگى بەلگىلەگەن ەرەجەلەرگە سايكەس، ءىس- شارا ءوتىپ جاتقان ەلدىڭ قالىپتى پراكتيكاسى مەن جەرگىلىكتى ادەت-عۇرىپتارى ەسكەرىلە وتىرىپ ورىندالادى.
گيمندى دالمە-ءدال ورىنداۋدى باقىلاۋ قازاقستان رەسپۋبليكاسى مەملەكەتتىك ورگاندارىنىڭ، ۇيىمدارىنىڭ باسشىلارىنا جۇكتەلەدى.
ەسىمجان ناقتىباي
