قازاقستان قىتايعا 1500 كيىك تارتۋ ەتەدى

استانا. KAZINFORM - پرەزيدەنت قاسىم-جومارت توقايەۆ قىتاي ۇكىمەتىنە 1,5 مىڭ كيىك بەرىلەتىنىن مالىمدەدى. بۇل تۋرالى اقوردانىڭ باسپا ءسوز قىزمەتى حابارلادى.

- قازاقستان پرەزيدەنتى قاسىم-جومارت توقايەۆ قىتايدا كيىك پوپۋلياتسياسىن قالپىنا كەلتىرۋ ماقساتىندا ولاردى قىتايدىڭ باتىس بولىگىنە قونىستاندىرۋ ءۇشىن 1500 كيىكتى سىيعا بەرۋ تۋرالى شەشىم قابىلداعانىن مالىمدەدى،− دەپ جازىلعان حابارلامادا.

ق ح ر ءتوراعاسى شي جينپيڭ بۇل شەشىم ءۇشىن قاسىم-جومارت توقايەۆقا العىسىن ءبىلدىردى، سەبەبى قىتاي كيىك پوپۋلياتسياسىن قايتا قالپىنا كەلتىرۋدى جوسپارلاپ وتىر.

قازاقستاننىڭ ەكولوگيا جانە تابيعي رەسۋرستار مينيسترلىگى بۇگىن وسىنداي تاپسىرما تۇسكەنىن جانە ماسەلەنى پىسىقتاپ جاتقانىن جەتكىزدى.

ايتا كەتەلىك كيىك سانىن رەتتەۋ ءىس-شارالارى كۇزدە باستالۋى مۇمكىن ەكەنى تۋرالى جازعان ەدىك.

كيىك سانىن رەتتەۋگە، اۋلاۋعا قاتىستى عالىمداردىڭ بيولوگيالىق نەگىزدەمەسى ءالى دايىن ەمەس. ءدال وسى قۇجاتقا، سايكەس، كيىكتىڭ بەلگىلى ءبىر سانىن اۋلاۋ ماسەلەسى كوتەرىلەدى.

سونداي-اق، اڭشىلارعا تەك انالىق كيىكتى اتۋعا رۇقسات بەكىتىلۋى مۇمكىن.

ال باتىس قازاقستاندا سۋعا باتقان 560 تان استام كيىكتىڭ ولەكسەسى جويىلدى.