قازاقستان- قىتاي شەكاراسىندا حالىقارالىق ساۋدا- لوگيستيكالىق ورتالىعى اشىلدى

Қазақстан-Қытай сауда-логистикалық орталығы
Фото: ҚР Көлік министрлігінің баспасөз қызметі

استانا. KAZINFORM - قازاقستان-قىتاي شەكاراسىندا ورنالاسقان دوستىق اۋىلىنىڭ ماڭىندا جاڭا حالىقارالىق ساۋدا-لوگيستيكالىق ورتالىق ءوز جۇمىسىن باستادى.

بۇل تۋرالى ق ر كولىك مينيسترلىگىنىڭ باسپا ءسوز قىزمەتى ءمالىم ەتتى.

اتالعان جوبانى Dostyk Storage ج ش س مەملەكەتتىك كىرىستەر كوميتەتىمەن بىرلەسىپ جۇزەگە اسىرعان بولاتىن. كوزدەلگەن نەگىزگى ماقسات - ترانسشەكارالىق لوگيستيكالىق ينفراقۇرىلىمدى دامىتۋ جانە «الاكول» جول وتكەلىنىڭ وتكىزۋ قابىلەتىن ارتتىرۋ.

بۇعان دەيىن قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ جۇك كولىكتەرىنىڭ قازاقستان-قىتاي شەكاراسى ارقىلى ءوتۋىن جەدەلدەتۋ تۋرالى بىرنەشە رەت ايتقان بولاتىن. وسىلايشا، بيزنەس پەن ۇكىمەتتىڭ بىرلەسە قاتىسۋىمەن جۇكتەردى وتكىزۋ قابىلەتتىلىگىن ارتتىرۋ جانە ونى راسىمدەۋدى جەدەلدەتۋ شارالارى جۇزەگە اسىرىلدى.

«جۇكتەردى وڭدەۋ جانە ساقتاۋ ءۇشىن وسىنداي ورتالىقتار اشۋ مەملەكەت باسشىسىنىڭ تاپسىرماسى شەڭبەرىندە جۇزەگە اسىرىلۋدا. اتالعان ورتالىق ءوز كەزەگىندە شىعىس شەكارامىزداعى العاشقى ورتالىق ءارى دوستىق - شىعىس قازاقستان مەن ەۋروپا شەكاراسىنداعى ەڭ وزىق باستاما بولىپ تابىلادى»، - دەدى كەشەننىڭ اشىلۋ سالتاناتىندا قر كولىك ۆيتسە-ءمينيسترى ماقسات قالياقپاروۆ.

Dostyk Storage قويماسىنىڭ قۇرىلىسى قىسقا مەرزىمدە جۇزەگە اسىرىلدى. جاڭا قويما كەشەنى «دوستىق» كەدەنىنىڭ «الاكول» كەدەن بەكەتىنىڭ وتكىزۋ قىزمەتىن تاۋلىگىنە 200 دەن 600 جۇك كولىگىنە دەيىن ارتتىرىپ، تاۋلىكتىك جۇك اينالىمىن 4 مىڭنان 12 مىڭ تونناعا دەيىن ارتتىرادى دەپ كۇتىلۋدە. بۇل جۇك اينالىمىن 1 ميلليون توننادان 3 ميلليون تونناعا دەيىن ارتتىرادى.

«قازىرگى تاڭدا «الاكول» كەدەن بەكەتى ارقىلى ءبىر باعىتتا نەبارى 180 كولىك وتەدى. بيىل بۇل بەكەتتى جاڭعىرتۋ جۇمىستارىن اياقتاپ، جۇك اعىنىن 500 كولىككە دەيىن ۇلعايتۋدى كوزدەپ وتىرمىز»، - دەدى ق ر قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى جاندوس دۇيسەمبيەۆ.

ايتا كەتەرلىگى، Dostyk Storage ج ش س لوگيستيكالىق ورتالىعى 13,5 گەكتار اۋماقتا ورنالاسقان. ونىڭ 3,5 گەكتارىن ءۇي-جايلارى مەن قويما ينفراقۇرىلىمى الىپ جاتىر، ال 10 گەكتارى جۇك كولىكتەرىن قويۋعا بولىنگەن. جوباعا ارنالعان جەكە ينۆەستيتسيا 2,8 ميلليارد تەڭگەدەن استام سومانى قۇرادى. كەشەن 3 جىلدىق مەرزىمگە 100 پايىز قۇرىلتايشىسى مەملەكەتتىك كىرىستەر كوميتەتى بولىپ تابىلاتىن Nur Zholy customs services مەملەكەتتىك كاسىپورنىنىڭ باسقارۋىنا بەرىلدى.

سوڭعى جاڭالىقتار