قازاقستان-قىتاي شەكاراسى جابىلادى
استانا. KAZINFORM - قىتاي حالىق رەسپۋبليكاسىنىڭ قۇرىلعان كۇنىن مەرەكەلەۋگە بايلانىستى قازاقستان- قىتاي شەكاراسىنداعى اۆتوموبيلدى وتكىزۋ پۋنكتى ءۇش كۇنگە جۇمىسىن توقتادى.
بۇل تۋرالى مەملەكەتتىك كىرىستەر كوميتەتىنىڭ باسپا ءسوز قىزمەتى ءمالىم ەتتى.
«مەملەكەتتىك كىرىستەر كوميتەتى قىتاي حالىق رەسپۋبليكاسىنىڭ قۇرىلعان كۇنىن مەرەكەلەۋىنە بايلانىستى 2024 -جىلعى 1-قازاننان باستاپ 3- قازانعا دەيىن قازاقستان- قىتاي شەكاراسىنداعى اۆتوموبيلدى وتكىزۋ پۋنكتەرىندە تۇلعالاردىڭ، كولىك قۇرالدارى مەن جۇكتەردىڭ ءوتۋى جۇزەگە اسىرىلمايتىنىن حابارلايدى»، - دەلىنگەن اقپاراتتا.
قازاقستان-قىتاي شەكاراسىنداعى تەمىرجول وتكىزۋ پۋنكتتەرى شتاتتى رەجيمدە جۇمىسىن جالعاستىرادى.
«تاسىمالداۋشىلاردان جانە شەكارادان وتۋگە نيەت بىلدىرگەندەردىڭ بارلىعىنان ەنگىزىلگەن شەكتەۋلەردى ەسكەرە وتىرىپ، ءوز مارشرۋتىن الدىن الا جوسپارلاۋدى سۇرايمىز»، - دەپ حابارلادى مەملەكەتتىك كىرىستەر كوميتەتى.
