قازاقستان قورعانىس ءمينيسترى ش ى ۇ كەڭەسىنە قاتىستى
استانا. KAZINFORM - قىتايدىڭ چيڭداۋ قالاسىندا قابىلداۋشى تاراپتىڭ توراعالىعىمەن شاڭحاي ىنتىماقتاستىق ۇيىمىنا مۇشە مەملەكەتتەر قورعانىس مينيسترلەرىنىڭ كەڭەسى ءوتتى.
وتىرىستا قورعانىس ۆەدومستۆولارىنىڭ باسشىلارى جاھاندىق جانە وڭىرلىك قاۋىپسىزدىك ماسەلەلەرى بويىنشا پىكىر الماسىپ، قورعانىس سالاسىنداعى ىنتىماقتاستىقتى نىعايتۋ جونىندەگى ۇسىنىستارىن ورتاعا سالدى.
سونىمەن بىرگە قازاقستان قورعانىس ءمينيسترى اۆياتسيا گەنەرال-لەيتەنانتى داۋرەن قوسانوۆتىڭ رەسەي، قىتاي، ءۇندىستان، پاكىستان قورعانىس ۆەدومستۆولارىنىڭ باسشىلارىمەن جانە ش ى ۇ باس حاتشىسىمەن ەكىجاقتى كەزدەسۋلەرى ءوتتى.
شاڭحاي ىنتىماقتاستىق ۇيىمى ەلدەرى قورعانىس ۆەدومستۆولارى باسشىلارىنىڭ كەلەسى كەزدەسۋى 2026 -جىلى قىرعىزستاندا وتەدى.
بۇعان دەيىن سەنات قازاقستان زاڭناماسىن قورعانىس جانە اسكەري-پاتريوتتىق تاربيە تۇرىسىنان جەتىلدىرۋگە باعىتالعان زاڭدى ەكى وقىلىمدا ماقۇلداعانىن حابارلاعان ەدىك.
