قازاقستان قۇراماسى كانۆون وليمپياداسىن 20-ورىنمەن اياقتادى

ىپىۆپى
Фото: وليمپيادالىق كوميتەت

كانۆون. KAZINFORM - بۇگىن وڭتۇستىك كورەيانىڭ كانۆون قالاسىندا ءوتىپ جاتقان قىسقى جاس وسپىرىمدەر وليمپياداسى مارەسىنە جەتتى. قازاقستان قۇراماسى ءتورتجىلدىق دودانى 1 التىن، 2 قولا مەدالمەن جالپى كوماندالىق ەسەپتە 20-ورىنمەن اياقتادى.

جاس وسپىرىمدەر اراسىنداعى قىسقى وليمپيادا ويىندارىنىڭ تۇڭعىش التىن مەدالىن شاڭعىمەن تۇعىردان سەكىرۋدەن قازاقستان كومانداسىنىڭ مۇشەسى يليا ميزەرنىح جەڭىپ الىپ، ەسىمىن قازاق سپورتىنىڭ تاريحىنا التىن ارىپتەرمەن جازىپ قالدىردى.

ال قولا مەدالدىڭ ءبىرىن شورت-ترەكتەن 1000 مەتر قاشىقتىقتا سىنعا تۇسكەن سپورتشىلارىمىز اراسىنان پولينا ومەلچۋك جەڭىپ السا، ەكىنشى قولا مەدالدى قازاقستان قورجىنىنا حوككەيشىلەرىمىز سالدى.

وسىلايشا كانۆون وليمپياداسى قازاق سپورتشىلارى ءۇشىن ءساتتى بولدى دەپ ايتۋعا بولادى. ولاي دەيتىنىمىز وسىعان دەيىن قازاقستان جاس وسپىرىمدەرى 3 وليمپياداعا قاتىسىپ، التىن مەدالعا قول جەتكىزە الماي كەلە جاتقان بولاتىن. بيىل سول ولقىلىقتىڭ ورىنى تولىپ، سپورتشىلارىمىز تابىستى ونەر كورسەتە ءبىلدى.

وليمپيادا ويىندارىنىڭ اشىلۋ سالتاناتىندا قازاقستان تۋىن پەتروپاۆلدىق كونكيمەن جۇگىرۋ سپورتىنىڭ وكىلى كريستينا شۋمەكوۆا مەن ورالدىق شورت-ترەكشى ەراسىل شىڭعىسحان ۇستاپ شىقتى.

وليمپيادا ويىندارىنىڭ الاۋى 19- قاڭتار كۇنى تۇتانعان بولاتىن. كانۆون پروۆينتسياسىنىڭ كاننىن قالاسىندا وتكەن دودادا قازاقستان جاس وسپىرىمدەر قۇراماسى ساپىندا 41 سپورتشى 5 سپورت تۇرىنەن باق سىناپ، 55 جۇلدە جيىنتىعىن ساراپقا سالدى.

اتاپ ايتار بولساق، بياتلون، كەرلينگ، كونكيمەن جۇگىرۋ، شورت-ترەك، شايبالى حوككەي، شاڭعى جارىسى، شاڭعىمەن تۇعىردان سەكىرۋ، شاڭعى قوسسايىسى، تاۋ شاڭعىسى، فريستايلدان پاراللەلدى موگۋل بويىنشا سىنعا ءتۇستى.

اتالعان جارىسقا الەمنىڭ 80 گە جۋىق ەلىنەن 1800 سپورتشى قاتىسىپ، جۇلدەلى ورىندارعا تالاستى. جالپى 7 سپورت تۇرىنەن (15 ديستسيپلينا) 81 مەدال جيىنتىعى ساراپقا سالىندى.

اۆتوركۇنسۇلتان وتارباي

سوڭعى جاڭالىقتار