قازاقستان قاي ەلدەرگە تۇز يمپورتتايدى

استانا. قازاقپارات - 2025-جىلعى قاڭتار-جەلتوقسان ارالىعىندا قازاقستاندا 415,7 مىڭ توننا اس تۇزى ءوندىرىلدى، بۇل 2024-جىلدىڭ سايكەس كەزەڭىمەن سالىستىرعاندا 11,3 پايىزعا كوپ.

يمپورتتالعان تۇز كولەمى دە وسكەن، 2025-جىلى ەلىمىزگە 36,2 مىڭ توننا تۇز اكەلىندى، بۇل 2024-جىلمەن سالىستىرعاندا %13,1 ارتىق.

ەكسپورتقا كەلەتىن بولساق، ەسەپتى كەزەڭدە قازاقستان 251 مىڭ توننا تۇز ەكسپورتتاعان، بۇل 2024-جىلدىڭ سايكەس كەزەڭىمەن سالىستىرعاندا %9,7 از.

قازاقستاندىق تۇزدى يمپورتتايتىن نەگىزگى ەلدەرگە رەسەي، قىرعىزستان، وزبەكستان، ازەربايجان، سونداي-اق قىتاي، گرۋزيا، لاتۆيا جانە گەرمانيا كىرەدى.

2025-جىلدىڭ 12 ايىنىڭ قورىتىندىسى بويىنشا ىشكى نارىقتا 200,8 مىڭ توننا اس تۇزى ساتىلدى.

رەسپۋبليكا بويىنشا تۇزدىڭ ورتاشا باعاسى 1 كەلىسىنە 90 تەڭگە. ەڭ تومەنگى ورتاشا باعا قىزىلوردادا تىركەلدى - 65 تەڭگە/ك گ، ال ەڭ جوعارى باعا الماتى قالاسىندا، مۇندا 1 ك گ ءونىمنىڭ ورتاشا باعاسى 112 تەڭگە (2026-جىلعى قاڭتارداعى جاعداي بويىنشا).

ايتا كەتەلىك ەلدە 2025-جىلى بالمۇزداق ەكسپورتى يمپورتتان اسىپ تۇسكەن ەدى.