قازاقستان ەندى ەۋرووداق نارىعىنا بال ەكسپورتتايدى

استانا. KAZINFORM - ەۋروپالىق وداق قازاقستاندى بال ەكسپورتتاۋشى ەل رەتىندە رەسمي تۇردە ماقۇلدادى.

بۇل ماڭىزدى جەتىستىك ق ر ا ش م ۆەتەريناريالىق باقىلاۋ جانە قاداعالاۋ كوميتەتى مەن قازاقستان رەسپۋبليكاسىنىڭ بريۋسسەلدەگى ەلشىلىگىنىڭ، سونداي-اق ەۋروپالىق كوميسسيانىڭ دەنساۋلىق ساقتاۋ جانە ازىق-تۇلىك قاۋىپسىزدىگى جونىندەگى باس ديرەكتوراتىنىڭ (DG SANTE) ۇيلەسىمدى جۇمىسىنىڭ ناتيجەسى. بۇل قازاقستاندىق ءونىم ءۇشىن الەمدەگى ەڭ ءىرى جانە باسەكەگە قابىلەتتى نارىقتاردىڭ بىرىندە جاڭا مۇمكىندىكتەر اشادى.

ەۋروپالىق كوميسسيا ە و 2021/405 ەرەجەسىنە وداققا بالىق ونىمدەرىنىڭ جەكەلەگەن تۇرلەرىن يمپورتتاۋعا رۇقسات ەتىلگەن ءۇشىنشى ەلدەردىڭ تىزىمدەرىنە قاتىستى تۇزەتۋلەر ەنگىزەتىن 2025/354 ەرەجەسىن (ە و) جاريالادى.

رەگلامەنتتىڭ I قوسىمشاسىنا سايكەس قازاقستان بەلگىلى ءبىر جانۋارلاردى ازىق-تۇلىك ونىمدەرىن ءوندىرۋ ءۇشىن پايدالانۋ جانە ادام تۇتىناتىن جانۋار تەكتەس ونىمدەردى باقىلاۋ جوسپارلارى بەكىتىلگەن ءۇشىنشى ەلدەر نەمەسە وڭىرلەر تىزىمىنە ەنگىزىلدى.

وسىلايشا، رەگلامەنتتىڭ 11-تارماعى قازاقستان بارلىق قاجەتتى كەپىلدىكتى ۇسىنعانىن راستاپ، سونىڭ ناتيجەسىندە ونىڭ جوسپارى ماقۇلدانعانىن راستايدى. ەندى قازاقستان (ە و) 2021/405 رەگلامەنتىنىڭ I قوسىمشاسىندا «بال» ءۇشىن «X» بەلگىسىمەن كورسەتىلگەن، بۇل قازاقستاندىق ەكسپورتتىڭ ەۋروپالىق وداق نارىعىنا جاڭا كوكجيەكتەرىن اشۋدا.

ايتا كەتەتىن جايت، رەگلامەنت ەۋروپالىق وداقتىڭ رەسمي جۋرنالىندا جاريالانعاننان كەيىن جيىرماسىنشى كۇنى كۇشىنە ەنەدى.

بۇل شەشىم قازاقستان مەن ە و اراسىنداعى ساۋدا قاتىناستارىن كەڭەيتۋدەگى ماڭىزدى قادام بولىپ سانالادى. ول اكۆاوسىرۋ، ەت جانە باسقا دا ءبىرقاتار قازاقستاندىق اۋىل شارۋاشىلىعى ونىمدەرىن كەلىسۋ ءۇردىسىن جالعاستىرۋعا مۇمكىندىك بەرىپ وتىر.

سىرتقى ساۋدانى دامىتۋ قازاقستان ءۇشىن باسىم مىندەت بولىپ قالا بەرەدى. ال ە و نارىعىنا ەكسپورتتالاتىن تاۋارلار اسسورتيمەنتىن كەڭەيتۋ قازاقستاننىڭ شارۋاشىلىق سۋبەكتىلەرى مەن ەۋروپالىق يمپورتتاۋشىلار اراسىنداعى كوممەرتسيالىق بايلانىستاردىڭ نىعايۋىنا سەپتىگىن تيگىزەدى.

ماقساتتى جۇمىستىڭ ارقاسىندا بۇعان دەيىن قازاقستاندىق بالىق ونىمدەرىنە ەۋروپالىق وداققا جول اشىلعاننىن اتاپ وتكەن ءجون.

ەۋرووداققا مۇشە مەملەكەتتەردىڭ ءبىرىڭعاي ساۋدا ساياساتىن رەتتەۋ ە و ينستيتۋتتارى تاراپىنان جۇزەگە اسىرىلاتىندىقتان قازاقستاندىق ەكسپورتتى ىلگەرىلەتۋ ماسەلەسى قازاقستان رەسپۋبليكاسىنىڭ بريۋسسەلدەگى ەلشىلىگىنىڭ نازارىندا.

ايتا كەتەيىك، ەۋروپالىق كوميسسيانىڭ مالىمەتى بويىنشا، ەۋروپالىق وداق ءوزىن بالمەن تەك %63 دەڭگەيىندە قامتاماسىز ەتە الادى. سونىمەن قاتار، ەۋرووداق ءوندىرىس كولەمى 286 مىڭ تونناعا جەتەتىن الەمدەگى قىتايدان كەيىنگى ەكىنشى ەڭ ءىرى بال ءوندىرۋشى.

بىرىككەن ۇلتتار ۇيىمىنىڭ ازىق-تۇلىك جانە اۋىل شارۋاشىلىعى ۇيىمىنىڭ مالىمەتى بويىنشا، بال ءوندىرۋشى ءۇش ءىرى ەل - قىتاي (474 مىڭ توننا، %26)، ە و (286 مىڭ توننا، %16) جانە تۇركيا (118 مىڭ توننا، %6).

قازاقستاننىڭ ستاتيستيكالىق دەرەكتەرىنە سايكەس 2023 -جىلعى قورىتىندى بويىنشا ەلدەگى بال ءوندىرىسىنىڭ كولەمى 3,9 مىڭ توننا بولدى. ونىڭ 228 تونناسى قىتاي، ساۋد ارابياسى، وزبەكستان، قىرعىزستان، بىرىككەن اراب امىرلىكتەرى جانە يوردانياعا ەكسپورتتالدى.

اۆتور

ەلميرا ورالبايەۆا