قازاقستان مەن يتاليا قانداي قۇجاتتارعا قول قويدى

استانا. KAZINFORM - قازاقستان پرەزيدەنتى قاسىم-جومارت توقايەۆ پەن يتاليا مينيسترلەر كەڭەسىنىڭ ءتوراعاسى دجوردجا مەلوني كەلىسسوزدەر قورىتىندىسى بويىنشا ستراتەگيالىق سەرىكتەستىكتى كەڭەيتۋ جونىندە بىرلەسكەن مالىمدەمە قابىلدادى. بۇل تۋرالى اقوردا ءمالىم ەتتى.

رەسمي دەلەگاتسيا مۇشەلەرى مىناداي قۇجاتتارمەن الماستى:

1. قازاقستان رەسپۋبليكاسى ۇكىمەتى مەن يتاليا رەسپۋبليكاسى ۇكىمەتى اراسىنداعى تۇلعالاردىڭ رەادميسسياسى تۋرالى كەلىسىم؛

2. قازاقستان رەسپۋبليكاسى ونەركاسىپ جانە قۇرىلىس مينيسترلىگى مەن يتاليا كاسىپورىندار جانە «يتاليادا جاسالعان» مينيسترلىگى، قورشاعان ورتا جانە ەنەرگەتيكالىق قاۋىپسىزدىك مينيسترلىگى اراسىندا اسا ماڭىزدى قازبا بايلىقتارى مەن شيكىزات ماتەريالدارى سالاسىنداعى ىنتىماقتاستىق تۋرالى بىرلەسكەن مالىمدەمە؛

3. «سامۇرىق- قازىنا» ا ق مەن Maire Tecnimont اراسىنداعى ىنتىماقتاستىق تۋرالى مەموراندۋم؛

4. «سامۇرىق- قازىنا» ا ق مەن Ansaldo اراسىنداعى ىنتىماقتاستىق تۋرالى كەلىسىم؛

5. قازاقستان رەسپۋبليكاسى سۋ رەسۋرستارى جانە يرريگاتسيا مينيسترلىگى مەن OICE اراسىندا سۋ رەسۋرستارىن باسقارۋ سالاسىندا ءبىلىم جانە وزىق تاجىريبە الماسۋ ارقىلى سۋعا قاتىستى سىن- قاتەرلەرگە بايلانىستى پراكتيكالىق شەشىمدەردى ىلگەرىلەتۋ جونىندەگى ىنتىماقتاستىق باعدارلاماسىن جۇزەگە اسىرۋ تۋرالى مەموراندۋم؛

6. قازاقستان دامۋ بانكى، Cassa Depositi e Prestiti S.p.A. جانە SACE SpA اراسىنداعى بىرلەسكەن دەكلاراتسيا؛

7. «سامۇرىق- ەنەرگو» ا ق جانە SACE SpA اراسىنداعى ءوزارا تۇسىنىستىك تۋرالى مەموراندۋم؛

8. «Kazakh Invest» ۇ ك» ا ق مەن Italian Trade Agency اراسىنداعى ىنتىماقتاستىق تۋرالى مەموراندۋم.

ەسكە سالا كەتەيىك، بۇگىن قاسىم-جومارت توقايەۆ اقوردادا دجوردجا مەلونيدى قارسى الدى.

مەملەكەت باسشىسى قاسىم-جومارت توقايەۆ اقوردادا قازاقستانعا رەسمي ساپارمەن كەلگەن يتاليا پرەمەر- ءمينيسترى دجوردجا مەلونيمەن كەلىسسوز جۇرگىزدى.

يتاليا پرەمەر- ءمينيسترى دجوردجا مەلوني مەملەكەت باسشىسى قاسىم-جومارت توقايەۆتى ەڭ سىندارلى كوشباسشىلاردىڭ ءبىرى دەپ اتادى.