قازاقستان مەن ساۋد ارابياسى ديپلوماتيالىق پاسپورت يەلەرىن ۆيزالىق تالاپتاردان بوساتتى
قازاقستان مەن ساۋد ارابياسى ديپلوماتيالىق جانە قىزمەتتىك ارنايى پاسپورتتاردىڭ يەلەرىن ۆيزالىق تالاپتاردان بوساتۋ تۋرالى كەلىسىمگە قول قويدى، دەپ حابارلايدى ق ر س ءى م باسپا ءسوز قىزمەتى.
قازاقستان-ساۋد ۇكىمەتارالىق كوميسسياسىنىڭ اياسىندا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى الىبەك باقايەۆ ساۋد ارابياسى كورولدىگى سىرتقى ىستەر ءمينيسترىنىڭ ورىنباسارى ءابدىلماجيد بين راشەد ءاس-ساماريمەن كەزدەستى.
كەزدەسۋ قورىتىندىسى بويىنشا تاراپتاردىڭ وكىلدەرى ەكىجاقتى قاتىناستاردى نىعايتۋعا ءوزىنىڭ وڭ ۇلەسىن قوساتىن قازاقستان رەسپۋبليكاسىنىڭ ۇكىمەتى مەن ساۋد ارابياسى كورولدىگىنىڭ ۇكىمەتى اراسىنداعى ديپلوماتيالىق جانە قىزمەتتىك/ارنايى پاسپورتتاردىڭ يەلەرىن ۆيزالىق تالاپتاردان بوساتۋ تۋرالى كەلىسىمگە قول قويدى. اتالعان كەلىسىم ءاربىر جارتى جىلدا 90 كۇنتىزبەلىك كۇنگە دەيىن كىرۋ كەزىندە ديپلوماتيالىق جانە قىزمەتتىك پاسپورت يەلەرىن ۆيزالىق تالاپتاردان بوساتادى. كەلىسىم كۇشىنە ەنۋى ءۇشىن قاجەتتى مەملەكەتىشىلىك راسىمدەردىڭ اياقتالعانى تۋرالى تاراپتاردىڭ سوڭعى جازباشا حابارلاماسىن ديپلوماتيالىق ارنالار ارقىلى العان كۇننەن كەيىن 30 كۇن وتكەن سوڭ كۇشىنە ەنەدى.
وسى كەلىسىم ەرەجەلەرى ساۋد ارابياسىنا ءدىني قاجىلىق جاساۋ ماقساتىندا كەلەتىن قازاقستان ازاماتتارى - ديپلوماتيالىق جانە قىزمەتتىك پاسپورت يەلەرىنە قولدانىلمايدى. بۇل رەتتە، ولار وسىنداي ماقساتتارعا ارنايى بەرىلەتىن ۆيزانى الۋى ءتيىس ەكەنىن اتاپ ءوتۋ قاجەت.
