قازاقستان مەن قىتايدىڭ بىرلەسىپ تۇسىرگەن فيلمى كورەرمەنگە جول تارتتى

استانا. KAZINFORM - «ورتالىق ازيا - قىتاي» سامميتى قارساڭىندا 24kz جانە «حابار» ارنالارى جاڭا فيلمىنىڭ تۇساۋىن كەسپەك.

ول - «حابار» اگەنتتىگى» مەن قىتايلىق CMG مەديا كومپانياسىنىڭ ورتاق جوباسى. «دوم» دەپ اتالاتىن تۋىندىدا ەلىمىزدىڭ مادەنيەتى، سالت-ءداستۇرى جانە تۋريستىك الەۋەتى ايقىن كورسەتىلگەن. بۇل جوبانىڭ تانىستىرىلىمى بۇگىن ماقسۇت نارىكبايەۆ اتىنداعى ۋنيۆەرسيتەتتە ءوتتى. جيىنعا قازاقستاندىق تەلەارنالاردىڭ وكىلدەرى مەن قىتايدان كەلگەن دەلەگاتسيا قاتىستى.

كەمەلبەك ويشىبايەۆ، «حابار» اگەنتتىگى» ا ق باسقارما ءتوراعاسى:

- «حابار» اگەنتتىگىنىڭ» جۋرناليستەرى ارنايى الماتىعا بارىپ، شىمبۇلاق، كولساي، شارىن، ورىنداردىڭ بارلىعىن ءتۇسىرىپ، قىتايلىق كورەرمەنگە قازاقستاننىڭ تۋريستىك پوتەنسيالىن كورسەتەمىز دەگەن جوسپارمەن سول جوبانى جاسادى. قىتاي كورەرمەنىنە ول جوبا قىتاي جانە ورىس تىلىندە جاسالدى. سەبەبى قىتاي مەديا كورپوراتسياسىنىڭ ارنالارىنىڭ بىرەۋى ورىس تىلىندە شىعادى. ال ءبىزدىڭ قازاقستان كورەرمەنىنە كورسەتىلەتىن جوبا قازاق جانە ورىس تىلىندە جاسالدى.

ۆان بين، قىتاي حالىقارالىق مەديا كورپوراتسياسى ەۋرازيالىق بيۋروسىنىڭ ديرەكتورى:

- ءبىز سەرىكتەستەرىمىزگە، اسىرەسە، «حابار» اگەنتتىگىنە» العىس بىلدىرەمىز. قازىر قىتاي مەن قازاقستان اراسىندا عىلىم، ءبىلىم، ساۋدا عانا ەمەس، مەديا باعىتىنداعى ارىپتەستىك تە قارقىندى دامىپ كەلەدى. جۋىردا جول تارتاتىن جوبامىز كورەرمەننىڭ جوعارى باعاسىن الاتىنىنا سەنىمدىمىز. الداعى ۋاقىتتا بۇدان بولەك تە ەكىجاقتى بىرلەسكەن جوبالاردى جۇزەگە اسىرۋعا نيەتىمىز بار.

24.kz