قازاقستان مەن قىتاي مۇناي ونىمدەرىن وندىرەتىن كلاستەر قۇرماق

شىمكەنت قازاقپارات - 2024 -جىلعى 23-مامىردا ەنەرگەتيكا مينيسترلىگى، «قازمۇنايگاز» ۇ ك ا ق، «پەتروقازاقستان ويل پروداكس» ج ش س (پ ك و پ) جانە CNPC وكىلدەرىنىڭ قاتىسۋىمەن «شىمكەنت مۇناي وڭدەۋ زاۋىتىنىڭ قۋاتىن جىلىنا 12 ميلليون تونناعا دەيىن ارتتىرۋ» جوباسىنىڭ مارتەبەسى مەن جوسپارلانعان جۇمىستارى بويىنشا جۇمىس كەڭەسى ءوتتى.

پ ك و پ زاۋىتى- وندىرىستىك قۋاتى جىلىنا 6 ميلليون توننا بولاتىن ورتالىق ازياداعى ءىرى مۇناي وڭدەۋ زاۋىتتارىنىڭ ءبىرى. ول ەڭ الدىمەن، ەلىمىزدىڭ موتور وتىنىنا دەگەن قاجەتتىلىگىن قامتاماسىز ەتەدى.

مينيسترلىك مۇددەلى مەملەكەتتىك ورگاندارمەن بىرلەسىپ مەملەكەتتىك قولداۋ شارالارىن، ونىڭ ىشىندە شيكىزاتپەن، ينفراقۇرىلىممەن جانە ەنەرگورەسۋرستارمەن قامتاماسىز ەتۋ، حالىقارالىق ستاندارتتاردى قولدانۋ ماسەلەلەرىن قارادى. سونداي- اق الەۋەتتى ينۆەستورلاردىڭ قارسى مىندەتتەمەلەرىن ايقىندايتىن ق ر جانە ق ح ر ۇكىمەتارالىق كەلىسىمىنىڭ جوباسىن ازىرلەدى.

جوبا مەملەكەت باسشىسىنىڭ جولداۋى شەڭبەرىندە جوعارى دەڭگەيدەگى وڭدەلگەن ءونىم شىعاراتىن كلاستەر قۇرۋعا كوزدەلگەن باسىم باعىتتارداعى 15 ءىرى جوبانىڭ تىزىمىنە كىرەدى.

الدىن الا ەسەپتەۋلەر بويىنشا جوبانى ىسكە اسىرۋ اۆتوبەنزين ءوندىرىسىن 700 مىڭ تونناعا، اۆياوتىن ءوندىرىسىن 700 مىڭ تونناعا، ديزەل وتىنىن ءوندىرۋدى 3,9 ميلليون تونناعا دەيىن ۇلعايتۋعا مۇمكىندىك بەرەدى.

جاڭا نىسانداردى ىسكە قوسۋ 2030 -جىلعا جوسپارلانعان.

اۆتور

ايدار وسپاناليەۆ