قازاقستان مەن قىتاي بەيبىت اتوم سالاسىنداعى ىنتىماقتاستىقتى نىعايتىپ جاتىر
استانا. KAZINFORM - قازاقستان رەسپۋبليكاسىنىڭ اتوم ەنەرگەتيكاسى اگەنتتىگىنىڭ ءتوراعاسى الماسادام ساتقاليەۆ قىتاي حالىق رەسپۋبليكاسىنىڭ ەكولوگيا جانە قورشاعان ورتانى قورعاۋ ءمينيسترىنىڭ ورىنباسارى، يادرولىق قاۋىپسىزدىك جونىندەگى ۇلتتىق باسقارمانىڭ باسشىسى دون باوتونمەن كەزدەسۋ وتكىزدى.
اگەنتتىكتىڭ باسپا ءسوز قىزمەتىنىڭ حابارلاۋىنشا، كەلىسسوزدەر استانا قالاسىندا ءوتىپ، اتوم ەنەرگياسىن بەيبىت ماقساتتا پايدالانۋ سالاسىنداعى قازاقستان-قىتاي ىنتىماقتاستىعىن كەڭەيتۋ ماسەلەلەرىنە ارنالدى.
تاراپتار ەكى ەلدىڭ رەتتەۋشى ورگاندارى اراسىنداعى پراكتيكالىق ىنتىماقتاستىق پەرسپەكتيۆالارىن تالقىلادى.
قازاقستان تاراپىنان ليتسەنزيالاۋ، قاداعالاۋ جانە تەحنيكالىق ساراپتاما سەكىلدى نەگىزگى باعىتتار بويىنشا تاجىريبە الماسۋعا قىزىعۋشىلىق ءبىلدىرىلدى.
الماسادام ساتقالييەۆ قىتايلىق دەلەگاتسيانى اتوم ەنەرگەتيكاسى اگەنتتىگىنىڭ قۇرىلۋى جانە اتوم سالاسىنداعى قاۋىپسىزدىككە جاۋاپتى جاڭا رەتتەۋشى ورگان - اتومدىق قاداعالاۋ جانە باقىلاۋ كوميتەتىنىڭ قۇرىلۋىمەن تانىستىردى. ول قازاقستاننىڭ حالىقارالىق ستاندارتتار مەن ۇزدىك الەمدىك تاجىريبەلەردى ەنگىزۋگە، سونداي-اق رەتتەۋ، ەكولوگيالىق تۇراقتىلىق پەن يادرولىق قاۋىپسىزدىك سالاسىنداعى وزىق تاجىريبەگە بەيىمدەلىپ وتىرعانىن اتاپ ءوتتى.
كەلىسسوزدەر بارىسىندا اتوم ەلەكتر ستانتسياسىن سالۋ جوباسىن ىسكە اسىرۋ، يادرولىق وتىن تسيكلى باعىتىنداعى ىقتيمال ىنتىماقتاستىققا، سونداي-اق عىلىمي-تەحنيكالىق ينفراقۇرىلىمدى دامىتۋعا ەرەكشە نازار اۋدارىلدى.
قازاقستان تاراپى اەس جوباسىن ىسكە اسىرۋدىڭ بارلىق كەزەڭىندە يادرولىق جانە سۋ- ەكولوگيالىق قاۋىپسىزدىكتى قامتاماسىز ەتۋ بويىنشا قىتاي تاجىريبەسىن زەردەلەۋگە قىزىعۋشىلىق تانىتتى.
ا ە س سالۋعا دايىندىق اياسىندا تەحنولوگيا جەتكىزۋشىلەردىڭ شورت-ليستى جاساقتالعانى اتاپ ءوتىلدى. بۇل تىزىمگە قىتايلىق HPR-1000 رەاكتورلىق تەحنولوگياسىن ۇسىناتىن CNNC كومپانياسى دا كىردى.
قىتاي دەلەگاتسياسىنىڭ ساپارى ەكىجاقتى ءوزارا ءىس-قيمىلدى دامىتۋداعى ماڭىزدى كەزەڭگە اينالىپ، قازاقستان مەن قىتايدىڭ بەيىندى ۆەدومستۆولارى
وسىعان دەيىن ماگاتە ماماندارى استانادا اتوم ەنەرگەتيكاسى سالاسىنداعى ليتسەنزيالاۋ ماسەلەسىن تالقىلايتىنى تۋرالى جازدىق.
