قازاقستان مەن قىتاي اراسىنداعى ۆيزاسىز رەجيمنىڭ كۇشىنە ەنەتىن كۇنى بەلگىلى بولدى

виза
Фото: из открытых источников

  2023 -جىلعى 17-مامىردا شيان قالاسىندا (ق ح ر) قول قويىلعان قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى ۆيزالىق تالاپتاردان ءوزارا بوساتۋ تۋرالى كەلىسىم 2023 -جىلعى 10-قاراشادا كۇشىنە ەنەدى.

بۇل تۋرالى Kazinform ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

وسى كەلىسىمنىڭ 1- بابىنا سايكەس ەكى ەلدىڭ ازاماتتارى جەكە ىستەردى، تۋريزمدى، ەم قابىلداۋدى، حالىقارالىق تاسىمالداردى، ترانزيتتىك، سونداي- اق ىسكەرلىك ماقساتتاردى جۇزەگە اسىرۋ ءۇشىن ۆيزالىق تالاپتاردان بوساتىلادى. وسى رەتتە، ازاماتتاردىڭ ەكى مەملەكەت اۋماعىندا بولۋ مەرزىمى كۇنتىزبەلىك 30 (وتىز) كۇننەن اسپايتىن مەرزىمدەگى كەزەڭگە، ال كۇنتىزبەلىك 180 (ءجۇز سەكسەن) كۇن ىشىندە جيىنتىعىندا كۇنتىزبەلىك 90 (توقسان) كۇننەن اسپاۋى قاجەت.

ازاماتتاردا 30 كۇننەن ارتىق بولۋ قاجەتتىلىگى بولعان جاعدايدا، ءتيىستى ساناتتاعى كىرۋ ۆيزاسىن الدىن الا راسىمدەۋ قاجەت. ۆيزاسىز رەجيم جۇمىسقا ورنالاسۋعا، وقۋعا جانە ميسسيونەرلىك قىزمەت جاساۋعا قۇقىق بەرمەيدى.

سوڭعى جاڭالىقتار