قازاقستان مەن قىتاي اراسىندا ۆەتەريناريالىق تالاپتار تۋرالى حاتتاماعا قول قويىلدى
استانا. KAZINFORM - استانادا قىتاي حالىق رەسپۋبليكاسىنىڭ ءتوراعاسى شي جينپيڭنىڭ قازاقستانعا مەملەكەتتىك ساپارى اياسىندا مەملەكەتارالىق، ۆەدومستۆوارالىق جانە كوممەرتسيالىق قۇجاتتارعا قول قويىلدى.
بۇگىن قول قويىلعان ماڭىزدى قۇجاتتاردىڭ قاتارىندا قازاقستاندىق فەرمەرلەر كوپ كۇتكەن قازاقستان رەسپۋبليكاسى اۋىل شارۋاشىلىعى مينيسترلىگى مەن قىتاي حالىق رەسپۋبليكاسىنىڭ باس كەدەن باسقارماسى اراسىنداعى قازاقستان رەسپۋبليكاسىنان قىتاي حالىق رەسپۋبليكاسىنا سويۋعا ەكسپورتتالاتىن ءتىرى ءىرى قارا مالعا قويىلاتىن ۆەتەريناريالىق تالاپتار مەن جانۋارلاردىڭ دەنساۋلىعىن قورعاۋ تۋرالى حاتتامانى اتاپ وتۋگە بولادى.
بۇل وقيعا قازاقستان مەن قىتاي اراسىنداعى ەكونوميكالىق بايلانىستاردى نىعايتۋداعى ماڭىزدى قادام بولىپ سانالادى جانە اۋىل شارۋاشىلىعى سالاسىنداعى ىنتىماقتاستىقتى نىعايتۋعا، ەلدىڭ ەكسپورتتىق الەۋەتى مەن قازاقستاندىق ءونىمنىڭ حالىقارالىق نارىقتاعى باسەكەگە قابىلەتتىلىگىن ارتتىرۋعا ىقپال ەتەدى.
ق ر اۋىل شارۋاشىلىعى مينيسترلىگى قازاقستاندىق اگروبيزنەس ءۇشىن ەكسپورتتىق مۇمكىندىكتەردى كەڭەيتۋ بويىنشا بەلسەندى جۇمىس اتقارۋدا. قىتايعا ەكسپورتقا ەرەكشە نازار اۋدارىلادى، ونىڭ تاراپىنان ا و ك ونىمدەرىنە جوعارى سۇرانىس بايقالادى.
اتاپ ايتقاندا، 2024 -جىلدىڭ اقپان ايىندا ق ح ر 2 جىلدان استام ۋاقىتقا سوزىلعان اۋسىل مەن قۇس تۇماۋىنا بايلانىستى ۋاقىتشا شەكتەۋلەردى الىپ تاستادى. ماۋسىم ايىندا ق ح ر- عا العاشقى 20 توننا سيىر ەتىن «Meat Processing and Service» ج ش س ەكسپورتتادى.
قازاقستاننان قىتايعا سويۋعا ەكسپورتتالاتىن ءتىرى ءى ق م ۆەتەريناريالىق تالاپتارىن كەلىسۋ بويىنشا جۇمىس 2 جىل بويى جۇرگىزىلدى. ناتيجەسىندە بۇگىن حاتتاماعا قول قويىلدى.
سونداي- اق قىتايعا قۇس ونىمدەرى، ءىرى قارا مال تەرىسى مەن ىشكى ونىمدەر ەكسپورتىن اشۋ جۇمىستارى جۇرگىزىلۋدە.
ەستەرىڭىزگە سالا كەتەيىك، قازاقستان مەن ق ح ر اراسىندا توڭازىتىلعان سيىر ەتى، توڭازىتىلعان قوي ەتى، توڭازىتىلعان شوشقا ەتى، بال، بالىق، ءسۇت ونىمدەرى، ءجۇن شيكىزاتى جانە ت. ب. اۋىل شارۋاشىلىعى ونىمدەرىنىڭ 9 ءتۇرىن ەكسپورتتاۋعا حاتتامالارعا قول قويىلعان بولاتىن.
ايتا كەتەيىك، 2023 -جىلى جالپى تاۋار اينالىمى 1,7 ەسەگە (1,3 ميلليارد ا ق ش دوللارىنا دەيىن) ۇلعايعان كەزدە قازاقستاندىق ا و ك ءونىمىنىڭ قىتايعا ەكسپورتى 1,01 ميلليارد ا ق ش دوللارىن قۇرادى، بۇل وتكەن جىلمەن سالىستىرعاندا 2 ەسەگە كوپ (2022 ج. - 550 ميلليون دوللار). اعىمداعى جىلدىڭ 5 ايىندا تاۋار اينالىمى وتكەن جىلدىڭ وسى كەزەڭىمەن سالىستىرعاندا %14 عا ارتىپ، 540 ميلليون ا ق ش دوللارىن قۇرادى.
