قازاقستان مەن مەكسيكا دەپۋتاتتارىنىڭ العاشقى وتىرىسى وتەدى
استانا. قازاقپارات – 26-قاراشادا قازاقستان پارلامەنتى ءماجىلىسى مەن مەكسيكا قۇراما شتاتتارىنىڭ باس كونگرەسىنىڭ دەپۋتاتتار پالاتاسىنىڭ دوستىق توبىنىڭ العاشقى وتىرىسى ونلاين رەجيمدە وتەدى.
ق ر سىرتقى ىستەر مينيسترلىگىنىڭ رەسمي وكىلى، حالىقارالىق اقپارات كوميتەتىنىڭ ءتوراعاسى ايبەك سمادياروۆتىڭ ايتۋىنشا، كەزدەسۋدى وتكىزۋگە قازاق تاراپى باستاماشى بولدى.
- وتىرىستا قازاقستان جانە مەكسيكا دەپۋتاتتارى بىرلەسكەن جۇمىس جوسپارىنىڭ جوباسىن، پارلامەنتارالىق ءوزارا ءىس-قيمىل تەتىكتەرىن، سونداي-اق ءوزارا ساپارلار مەن الماسۋلاردى ۇيىمداستىرۋ پەرسپەكتيۆالارىن تالقىلايدى، - دەدى ق ر س ءى م رەسمي وكىلى ەلوردادا وتكەن بريفينگتە.
بۇعان دەيىن ق ر س ءى م وكىلى ەۋروپاعا ۆيزا تالابىن جەڭىلدەتۋ جۇمىسى كۇن سايىن ءجۇرىپ جاتقانىن ايتقان ەدى.
سونىمەن بىرگە، ۆەتنامداعى سۋ تاسقىنى بويىنشا ق ر سىرتقى ىستەر مينيسترلىگى قازاقستاندىقتارعا ۇندەۋ جاسادى.
