19:14, 28 - اقپان 2024 | GMT +5
قازاقستان مەن جاپونيا اۋە قاتىناسىن قايتا باستاۋعا دايىن
استانا. KAZINFORM - ازاماتتىق اۆياتسيا كوميتەتىنىڭ ءتوراعاسى سالتانات تومپييەۆا جاپونيانىڭ قازاقستانداعى توتەنشە جانە وكىلەتتى ەلشىسى يامادا دجۋن مىرزامەن كەزدەستى.
كەزدەسۋ بارىسىندا تاراپتار قازاقستان مەن جاپونيا اراسىنداعى اۋە قاتىناسىن قالپىنا كەلتىرۋ ماسەلەسىن تالقىلادى.
سالتانات تومپيەۆا قازاقستاندىق اۋە كومپانيالار 2025 -جىلدىڭ ءبىرىنشى جارتىسىندا ەكى ەل اراسىندا تىكەلەي اۋە قاتىناسىن اشۋ مۇمكىندىگىن قاراستىرىپ جاتقانىن حابارلادى.
يامادا مىرزا ءوز كەزەگىندە بۇل ماسەلەدە جان-جاقتى قولداۋ كورسەتۋگە دايىن ەكەنىن حابارلادى.
كەزدەسۋ قورىتىندىسى بويىنشا تاراپتار ەلدەر اراسىنداعى ەكونوميكالىق، ىسكەرلىك جانە مادەني ىنتىماقتاستىقتى كەڭەيتۋ ءۇشىن اۋە قاتىناسىن قالپىنا كەلتىرۋ بويىنشا بىرلەسكەن جۇمىستى جالعاستىرۋعا كەلىستى.
