قازاقستان مەن فينليانديا پرەزيدەنتتەرى تەلەفون ارقىلى سويلەستى
استانا. KAZINFORM - فين تاراپىنىڭ باستاماسىمەن پرەزيدەنت قاسىم-جومارت توقايەۆ پەن فينليانديا رەسپۋبليكاسىنىڭ پرەزيدەنتى الەكساندر ستۋبب تەلەفون ارقىلى سويلەستى.
مەملەكەتتەر باسشىلارى ەكىجاقتى ىنتىماقتاستىقتىڭ قازىرگى جاي-كۇيى مەن دامۋ پەرسپەكتيۆاسىن تالقىلاپ، ساۋدا-ەكونوميكالىق جانە مادەني- گۋمانيتارلىق بايلانىستاردى ودان ءارى نىعايتۋعا قوس تاراپتىڭ دا بەيىل ەكەنىن راستادى.
ەكى ەل اراسىنداعى قارىم-قاتىناسقا تىڭ سەرپىن بەرۋ ءۇشىن فينليانديا پرەزيدەنتى بيىل قازان ايىندا قازاقستانعا ساپارمەن كەلۋگە دايىن ەكەنىن جەتكىزدى. سونداي-اق الداعى كەزەڭگە جوسپارلانعان جوعارى دەڭگەيدەگى كەلىسسوزدەردىڭ مازمۇنىن بايىتۋدىڭ ماڭىزىنا نازار اۋدارىلدى. ونىڭ قورىتىندىسى قازاق-فين سەرىكتەستىگىنىڭ جاڭا كەزەڭىنە جول اشادى.
سونىمەن قاتار قاسىم-جومارت توقايەۆ پەن الەكساندر ستۋبب ءبىرقاتار وزەكتى حالىقارالىق ماسەلەلەر بويىنشا پىكىر الماستى. تاراپتار ورنىقتى دامۋدى قامتاماسىز ەتۋ، جاھاندىق بەيبىتشىلىك پەن قاۋىپسىزدىكتى ىلگەرىلەتۋ ماقساتىندا كوپجاقتى ۇيىمدار اياسىنداعى كۇش-جىگەردى ۇيلەستىرۋدىڭ ماڭىزىن اتاپ ءوتتى.
بۇعان دەيىن پرەزيدەنت داريعا تىلەندييەۆانىڭ تۋعان-تۋىستارى مەن جاقىندارىنا كوڭىل ايتقان بولاتىن.
