قازاقستان مەن برازيليا س ءى م باسشىلارى ريو-دە-جانەيرودا كەزدەسۋ وتكىزدى
استانا. KAZINFORM - بريكس مۇشە جانە سەرىكتەس مەملەكەتتەر باسشىلارىنىڭ سامميتىنە قاتىسۋ ماقساتىندا ريو-دە-جانەيرو قالاسىنا كەلگەن قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ برازيليا سىرتقى ىستەر ءمينيسترى ماۋرو ۆيەيرامەن كەزدەسۋ وتكىزدى.
تاراپتار ساياسي، ساۋدا-ەكونوميكالىق، ينۆەستيتسيالىق، ەنەرگەتيكالىق جانە مادەني-گۋمانيتارلىق سالالارداعى ەكىجاقتى ءوزارا ءىس-قيمىلدىڭ وزەكتى ماسەلەلەرىن تالقىلاپ، حالىقارالىق ۇيىمدار اياسىنداعى ىقپالداستىقتىڭ كەلەشەگى جونىندە پىكىر الماستى.
م. نۇرتىلەۋ قازاقستاننىڭ لاتىن امەريكاسىنداعى سەنىمدى سەرىكتەسى ءارى ماڭىزدى دوسى رەتىندە برازيلياعا ايرىقشا ءمان بەرەتىنىن اتاپ ءوتتى.
- بيىل ەلدەرىمىز اراسىنداعى ديپلوماتيالىق قاتىناستاردىڭ ورناعانىنا 32 جىل تولىپ وتىر. بۇل بايلانىستار تۇراقتى ساياسي ديالوگپەن، ەكونوميكالىق قارىم-قاتىناستىڭ كەڭەيۋىمەن جانە حالىقارالىق ارەناداعى تىعىز ءىس-قيمىلمەن ەرەكشەلەنەدى، - دەدى ول.
سۇحباتتاستار ەكىجاقتى قاتىناستاردى نىعايتۋدىڭ ءتيىمدى تەتىگى رەتىندە تۇراقتى ديالوگتى ساقتاۋدىڭ جانە ساپارلاردى جوعارى دەڭگەيدە جانداندىرۋدىڭ ماڭىزدىلىعىن راستادى. وسى رەتتە قازاقستان س ءى م باسشىسى برازيليالىق ارىپتەسىن استاناعا ساپارمەن كەلۋگە شاقىردى.
ساۋدا- ەكونوميكالىق بايلانىستاردى ىلگەرىلەتۋ نەگىزگى نازاردا بولدى. گەوگرافيالىق الشاقتىققا قاراماستان، برازيليا قازاقستاننىڭ وڭتۇستىك امەريكاداعى باستى سەرىكتەسى رەتىندە سانالادى. 2024-جىلى ءوزارا تاۋار اينالىمى 257 ميلليون ا ق ش دوللارىنان استى، ال 2025-جىلدىڭ العاشقى توقسانىندا بۇل كورسەتكىش %88 عا ءوسىپ، 104,2 ميلليون ا ق ش دوللارىنا دەيىن جەتتى.
مينيسترلەر نەگىزگى سالالارداعى بىرلەسكەن باستامالاردى كەڭەيتۋگە نيەتتەرىن راستادى.
- ءبىز اۋىل شارۋاشىلىعى، ءوندىرىس، كولىك جانە لوگيستيكا باعىتتارى بويىنشا ءوزارا ىقپالداستىقتى تەرەڭدەتۋگە مۇددەلىمىز. ورتاق ءىس ءۇشىن ناقتى مۇمكىندىكتەردى انىقتاۋ اسا ماڭىزدى، - دەدى م. ۆيەيرا.
قازاق تاراپى ءوز كەزەگىندە تاۋ-كەن ونەركاسىبى، اتوم ەنەرگەتيكاسى، اۆياتسيا، تىڭايتقىشتار ءوندىرىسى سىندى باعىتتاردا بىرلەسە جۇمىس ىستەۋدى ۇسىندى.
سونىمەن قاتار مينيسترلەر جاڭارتىلاتىن ەنەرگيا كوزدەرى، تسيفرلىق تەحنولوگيالار جانە يننوۆاتسيالىق شەشىمدەر سالالارىندا تاجىريبە مەن تەحنولوگيا الماسۋعا قىزىعۋشىلىق تانىتتى.
حالىقارالىق كۇن تارتىبىندەگى ماسەلەلەردى تالقىلاۋ بارىسىندا استانا مەن برازيليا ۇستانىمدارىنىڭ جاقىندىعى جانە بۇۇ مەن وزگە دە كوپجاقتى قۇرىلىمدار اياسىنداعى تۇراقتى ءوزارا قولداۋ اتالىپ ءوتتى.
كەزدەسۋ قورىتىندىسى بويىنشا سىرتقى ساياسي ۆەدومستۆولارىنىڭ باسشىلارى ءوزارا بايلانىستاردى ودان ءارى نىعايتۋعا جانە بريكس پەن باسقا دا حالىقارالىق الاڭدار شەڭبەرىندەگى ءىس-قيمىلدى كەڭەيتۋگە نيەتتى ەكەنىن راستادى.
سونىمەن قاتار مينيسترلەر جاڭارتىلاتىن ەنەرگيا كوزدەرى، سيفرلىق تەحنولوگيالار جانە يننوۆاتسيالىق شەشىمدەر سالالارىندا تاجىريبە مەن تەحنولوگيا الماسۋعا قىزىعۋشىلىق تانىتتى.
حالىقارالىق كۇن تارتىبىندەگى ماسەلەلەردى تالقىلاۋ بارىسىندا استانا مەن برازيليا ۇستانىمدارىنىڭ جاقىندىعى جانە بۇۇ مەن وزگە دە كوپجاقتى قۇرىلىمدار اياسىنداعى تۇراقتى ءوزارا قولداۋ اتالىپ ءوتتى.
كەزدەسۋ قورىتىندىسى بويىنشا سىرتقى ساياسي ۆەدومستۆولارىنىڭ باسشىلارى ءوزارا بايلانىستاردى ودان ءارى نىعايتۋعا جانە بريكس پەن باسقا دا حالىقارالىق الاڭدار شەڭبەرىندەگى ءىس-قيمىلدى كەڭەيتۋگە نيەتتى ەكەنىن راستادى.
ايتا كەتەلىك برازيليا بريكس سامميتىنە بەلسەندى دايىندالىپ جاتقانى تۋرالى جازعان ەدىك.
